بٷگٸن ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ەسەپ كوميتەتٸن جوعارى اۋديتورلىق پالاتا ەتٸپ قايتا قۇرۋعا قاتىستى تٷسٸنٸك بەردٸ, دەپ حابارلايدى قازاقپارات.
«ەسەپ كوميتەتٸ تەۋەلسٸز جوعارى مەملەكەتتٸك اۋديت ورگانى رەتٸندە بيۋدجەت قاراجاتىنىڭ سىرتقى اۋديتٸن قامتاماسىز ەتەدٸ. بۇل رەتتە, ونىڭ فۋنكتسييالارى بٸرتٸندەپ كٷشەيە تٷسۋدە. مەسەلەن, سوڭعى جىلدارى ەسەپ كوميتەتٸ رەسپۋبليكالىق بيۋدجەت جوباسىن الدىن الا باعالاۋدى جٷزەگە اسىرادى. بۇل دەر كەزٸندە شارالاردى قابىلداۋ ارقىلى بيۋدجەتتٸڭ تيٸمسٸز شىعىندارىن ودان ەرٸ تٶمەندەتۋگە مٷمكٸندٸك بەرەدٸ. مەملەكەت باسشىسىنىڭ تاپسىرماسىنا سەيكەس ەسەپ كوميتەتٸ جوعارى اۋديتورلىق پالاتا بولىپ قايتا قۇرىلادى. بۇل رەتتە پارلامەنت تاراپىنان باقىلاۋ كٷشەيتٸلەدٸ. مۇنداي تەجٸريبە جەكەلەگەن دامىعان مەملەكەتتەردە بار», - دەدٸ جاماۋباەۆ.
ونىڭ ايتۋىنشا, وسىنىڭ بارلىعى كونستيتۋتسييانى قوسا العاندا, بٸرقاتار زاڭنامالىق اكتٸلەرگە ٶزگەرٸستەر ەنگٸزۋدٸ تالاپ ەتەدٸ.
«بارلىق تيٸستٸ تٷزەتۋلەر مٷددەلٸ مەملەكەتتٸك ورگاندارمەن بٸرلەسٸپ پىسىقتالاتىن بولادى», - دەدٸ مينيستر.
