Aqparat jáne qoǵamdyq damý ministri Dáýren Abaev qazaqstandyqtar Astanany Nur-Sultan dep ózgertýdi qalai qabyldaǵanyn aitty, dep habarlaidy Sputnik Qazaqstan tilshisi.
"Qazaqstandyqtardyń reaktsiiasyn baqyladym. Astana ataýyn ózgertý aitarlyqtai pikirtalas týǵyzǵanyn moiyndaý kerek, sonyń ishinde teris pikirler de boldy", - dedi Abaev Úkimet kýlýarynda.
Ministr elordanyń jańa ataýyna úirený úshin qazaqstandyqtarǵa ýaqyt qajet ekenin aitty.
"Barlyq protsess úshin belgili bir ýaqyt qajet. Esterińizde bolsa, Aqmolany Astana dep ózgertken kezde, túrli pikir aitylyp, memder paida bolǵan edi. Ýaqyt ótkennen keiin, Astana brendin bárimiz de jaqsy kórip kettik", - dedi vedomstvo basshysy.
Eske sala ketsek, Qazaqstan Prezidenti Qasym-Jomart Toqaev Astana ataýyn Nur-Sultan dep ózgertý týraly Jarlyqqa qol qoidy.
