Elimizde kómir jetispeýshiligi joq, tapshylyq qoldan jasalyp otyr. Bul týraly QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Bizde barlyǵy 27 paiyz eksport bar jáne biz kómirdiń eki túrin eksporttaimyz - bul metallýrgiialyq óńdeýge arnalǵan joǵary aglomeratsiialyq kómir jáne 38 paiyzdan joǵary kúlge ie energetikalyq kásiporyndar úshin. Al halyqqa qoldanýǵa kúl mólsheri tómen kómir túrin usynamyz. Bul Qarajyra, Shubarkól, Bogatyr jáne taǵy basqa. Quramynda kúl mólsheri joǵary jáne ortasha kómirdi eksporttaimyz.
Biz qazirdiń ózinde oblystardyń ótinimderi boiynsha halyqqa qajet kómirdiń 94 paiyzyn jónelttik. Jalpy biyl ótken jyldyń qazan aiymen salystyrǵanda jospardy asyra oryndap otyrmyz. Tapshylyq qoldan jasalyp otyr», - dedi Beibit Atamqulov Úkimet úiinde tilshilerdiń suraǵyna jaýap bere otyra.
Ministrdiń aitýynsha, elimizde kómirmen qamtý jaǵdaiy turaqty jáne ony tasýda iri jetkizýshi uiymdarmen memorandým jasalǵan.
