Ulttyq ekonomika ministri Álibek Qýantyrov Qazaqstanǵa kelip jatqan reseilikter týraly oiyn aitty, - dep habarlaidy Tengrinews.kz.
"Mobilizatsiiaǵa bailanysty kelip jatqan reseilikterge qatysty jaǵdai bul ýaqytsha qubylys, olardyń kóbi ary qarai Qazaqstannan ózge elderge ketedi. Sondyqtan bul - ýaqytsha qubylys. Árine, belgili bir deńgeide infraqurylymǵa "qysym" bar, onyń bárin tez arada sheshemiz", - dedi ministr Úkimet otyrysynan keiin.
Qýantyrov Qazaqstanǵa kelip jatqan reseilikter elde tek 90 kún ǵana bola alatynyn eske saldy.
"Kelip jatqan reseilikterge halqymyz kómektesip jatyr, shekaramyz ashyq, halyqaralyq mindetimizdi oryndap otyrmyz, ashyq bolý - bizdiń ustanymymyz. Biraq bekitilgen zań boiynsha ǵana jumys istep otyrmyz. Elge kelip jatqan azamattar Qazaqstanda 90 kún ǵana bola alady. Árine, ártúrli áleýmettik qaýip bar, biraq onyń aldyn alý úshin jumystanyp jatyrmyz", - dedi ministr.
