ۇلتتىق ەكونوميكا مينيسترٸ ەلٸبەك قۋانتىروۆ قازاقستانعا كەلٸپ جاتقان رەسەيلٸكتەر تۋرالى ويىن ايتتى, - دەپ حابارلايدى Tengrinews.kz.
"موبيليزاتسيياعا بايلانىستى كەلٸپ جاتقان رەسەيلٸكتەرگە قاتىستى جاعداي بۇل ۋاقىتشا قۇبىلىس, ولاردىڭ كٶبٸ ارى قاراي قازاقستاننان ٶزگە ەلدەرگە كەتەدٸ. سوندىقتان بۇل - ۋاقىتشا قۇبىلىس. ەرينە, بەلگٸلٸ بٸر دەڭگەيدە ينفراقۇرىلىمعا "قىسىم" بار, ونىڭ بەرٸن تەز ارادا شەشەمٸز", - دەدٸ مينيستر ٷكٸمەت وتىرىسىنان كەيٸن.
قۋانتىروۆ قازاقستانعا كەلٸپ جاتقان رەسەيلٸكتەر ەلدە تەك 90 كٷن عانا بولا الاتىنىن ەسكە سالدى.
"كەلٸپ جاتقان رەسەيلٸكتەرگە حالقىمىز كٶمەكتەسٸپ جاتىر, شەكارامىز اشىق, حالىقارالىق مٸندەتٸمٸزدٸ ورىنداپ وتىرمىز, اشىق بولۋ - بٸزدٸڭ ۇستانىمىمىز. بٸراق بەكٸتٸلگەن زاڭ بويىنشا عانا جۇمىس ٸستەپ وتىرمىز. ەلگە كەلٸپ جاتقان ازاماتتار قازاقستاندا 90 كٷن عانا بولا الادى. ەرينە, ەرتٷرلٸ ەلەۋمەتتٸك قاۋٸپ بار, بٸراق ونىڭ الدىن الۋ ٷشٸن جۇمىستانىپ جاتىرمىز", - دەدٸ مينيستر.
