QR Ulttyq ekonomika ministri Timýr Súleimenov dollar baǵamymen birge azyq-túlik baǵalarynyń nege tómendemeitinin túsindirdi, dep xabarlaidy Ult.kz tilshisi QazAqparat agenttigine silteme jasap.
«Ekonomist retindegi jeke pikirim - olar dollar baǵamymen birge tómendemeýi kerek. Bizde ózimizdiń ekonomikamyz bar. Biz taýarlardy ózimiz shyǵaramyz. Bizdiń taýarlardyń baǵasy teńgeden jasalady. Sondyqtan dollarǵa bailap ustaýdyń qajeti shamaly. Dedollarizatsiiaǵa zańda ǵana emes, bizdiń «basymyzda» da oǵan tyiym salý kerek. Baǵalardy, jalaqyny, kólik pen páter qunyn dollarda sanaýdy doǵarý qajet. Biz AQSh-ta emes, Qazaqstanda turyp jatyrmyz», - dep atap ótti ol ministrliktiń alqa otyrysynda.
Onyń aitýynsha, infliatsiia men valiýta baǵamy bir-birimen tyǵyz bailanysta bolǵanymen, taýar baǵasy tikelei dollarǵa baǵynyshty emes.
«Bizde importqa táýeldilik baryn túsinemin. Degenmen dollar baǵamy tikelei baǵaǵa áser etýi sonshalyqty kólemdi emes. Bul táýeldilik azaia beredi dep úmittenemin. Sebebi biz ózimizdiń óndiristeri ulǵaitamyz, valiýtalardyń aýytqýy ózimizde shyǵatyn azyq-túlik baǵasyna áser etpeitin bolady», - dedi ministr.
