Din isteri jáne azamattyq qoǵam ministri Nurlan Ermekbaev Egipette ustalǵan qazaqstandyq stýdentterge qatysty kommentarii berip, qazaqstandyqtardy shetelge oqýǵa resmi joldamasyz barmaýǵa shaqyrdy, dep habarlaidy "Ult aqparat" Azattyqqa silteme jasap.
Astanada beisenbide jýrnalistermen kezdesken Ermekbaev shetelge "kúmándi" oqý oryndarynda dini bilim alýǵa ketkendermen bilik jumys isteitinin de aitty.
"Qazaqstan musylmandary dini basqarmasynyń (QMDB) joldamasynsyz dini bilim alyp, QMDB qurylymyna jumysqa ornalasýǵa bolmaidy" dedi ministr.
Egipette birge páter jaldap turyp jatqan alty qazaqstandyq 20 shildeden beri bailanysqa shyqpaǵan. 25 shildede ministrlik olardy politsiia ustaǵanyn habarlaǵan.
Al 2 tamyzda Egipette qamaýda otyrǵan qazaqstandyq alty stýdenttiń Qazaqstanǵa deportatsiialanatyny habarlanǵan. Bilik olardyń ne sebepti ustalǵanyn aitpai otyr. Buǵan deiin Qazaqstan syrtqy ister ministrliginiń baspasóz hatshysy Ánýar Jainaqov bilik ustalǵan qazaqstandyqtardy ekstremister dep sanamaitynyn aitqan.
Resmi málimet boiynsha, qazir shetelderde birneshe qazaqstandyq dini bilim alyp jatyr. Biliktiń dereginshe, sońǵy birneshe jylda Qazaqstannyń júzdegen azamaty Siriia men Iraktaǵy ekstremistik toptar qataryna qosylǵan.
