QR Aýyl sharýashylyǵy ministri Erbol Qarashókeev ortalyq kommýnikatsiialar qyzmetinde ótken brifingte biylǵy bidai shyǵymy týraly boljamyn aitty, dep habarlaidy QazAqparat.
«Kóktemde egis jumystary ýaqtyly júrgizilgenin, óndirýshilerdiń búkil qajettilikterin qamtamasyz etkenimizdi eskersek, biyl bidai shyǵymy 13-13,5 mln tonna bolady degen boljam bar», - dedi ministr BAQ ókilderiniń saýalyna bergen jaýabynda.
Onyń aitýynsha, biyl jalpy egin shyǵymy byltyrǵydan joǵary bolýy kerek.
«Byltyrǵymen salystyrǵanda egin shyǵymy shamamen 15-20% joǵary bolady. Iaǵni, keiingi bes jylda alyp júrgen kólemde ónim alamyz»,- dedi Erbol Qarashókeev.
Sondai-aq, ministr qanttyń shynaiy baǵasy qansha bolýy kerektigin aitty.
«Mysaly, qant quraǵynyń quny - shamamen 476 AQSh dollary. Bul 2020 jylmen salystyrǵanda 2 ese kóp. Logistika shyǵyndary 110 AQSh dollarynan 290 AQSh dollaryna deiin 2,6 ese ósti. Atalǵan faktiler otandyq qant zaýyttarynda quraq qantynyń ózindik qunynyń qymbattaýyna alyp keldi. Búgingi tańda zaýyttar 1 kilogramm qantty 450 teńgege satady. Bul rette 15% kóterme jáne bólshek saýda ústemesin eskere otyryp, qant quny shamamen kelisine 595-600 teńge bolýy qajet», - dedi vedomstvo basshysy.
