Úkimet otyrysynan keiin Energetika ministri Qanat Bozymbaev aldaǵy ýaqytta janar-jaǵarmai baǵasy 167 teńgege deiin baratynyn aitty, dep habarlaidy Baq.kz.
«Benzindi «tutyný mólsheri qandai bolady?» degen suraqqa jaýap bereiin. Ol 180-275 myń tonna bolýy múmkin. Sondyqtan biz osy aida 100 myńnan astam AI-92 benzindi Resei Federatsiiasynan importtaimyz. Sondyqtan árine baǵalar ósip, ol 155, 157, 165 teńgeni quraýy múmkin», — dedi basshy.
Alaida Qanat Bozymbaev benzinnniń baǵasy 1 ai ǵana joǵary bolyp turatynyn alǵa tartty.
«Biraq bul baǵalar bir aiǵa ǵana sozylýy yqtimal. Óitkeni, osy aidyń sońyna deiin Pavlodar munai óńdeý zaýyty kóp jyl sozylǵan modernizatsiialaýdy bitiredi. Tiisti qondyrǵylar iske qosylatyn bolady. Kelesi qarasha aiynan bastap, birinshi jeltoqsanda bizdiń naryqtaǵy reseilik benzin úlesi jalpy 40 paiyzdan 20 paiyzǵa túsedi. Onda benzin baǵalaryn turaqtandyratyn ádisterimiz bolady», — dedi ministr.
Sóz sońynda ol aldaǵy ýaqytta janar-jaǵarmai baǵasy elimizde turaqty bolatynyn aitty.
«Eger jeltoqsan aiyn alsaq, reseilik benzin úlesi 15 paiyzdy ǵana quraidy. Ózimizdiń zaýyttarda shyǵarylatyn benzinniń baǵasyna áser etetin jaǵdai jasaýǵa múmkindik bar. Sondyqtan osy qarasha jáne jeltoqsan ailarynan bastap, benzin baǵasy turaqty bolýy kerek. Eger «QazMunaiGaz» AQ Atyraý jáne Pavlodar zaýyttaryn jańǵyrtýdy durystap bitirse, onda qańtar aiynan bastap benzinniń 100 paiyzy elimizdegi úsh zaýyt tarapynan qamtamasyz etiletin bolady. Kóligi bar kisiler narazylyq bildirip jatyr. Men ony jasqy túsinemin. Biraq, bul másele sheshiledi», — dep túiindedi sózin Qanat Bozymbaev.
