Shekaradan ótý erejesin buzǵan Resei azamattary Qazaqstannan shyǵaryldy. Bul týraly Ishki ister ministri Marat Ahmetjanov málimdedi, - dep habarlaidy Massaget.kz.
"Shekarany zańbuzýshylyqpen kesip ótkender sot sheshimi boiynsha Qazaqstannan shyǵarylyp, quzyrly organdarǵa tapsyryldy", - dedi Ahmetjanov.
Onyń aitýynsha, ustalǵandar balta alyp júrgen.
"Olarda qarý emes, balta bolǵan", - dedi IIM basshysy.
Eske salaiyq, 25 qyrkúiekte shekara qyzmetiniń Qostanai oblysy boiynsha departamenti baqylaý-ótkizý beketin ainalyp ótip, shekarany kesip ótpek bolǵan úsh reseilik ustalǵan bolatyn. Tártipbuzýshylar óz áreketin Resei Federatsiiasynda jariialanǵan mobilizatsiiamen bailanystyrǵan.
