"Eýraziia" birinshi arnasynan kórsetiletin "Qalaýlym" baǵdarlamasy boiynsha tekseris áli de júrgizilip jatyr. Bul týraly QR aqparat jáne kommýnikatsiialar ministri Dáýren Abaev aitty, dep habarlaidy Sputnik Qazaqstan tilshisi.
"Qalaýlym" baǵdarlamasy boiynsha tekseris áli júrip jatyr. Buǵan qatysty arnaiy jaýap beremiz, daiyndap jatyrmyz. Bir sheshimin tabamyz dep oilaimyn", — dep jaýap qaiyrdy ministr qysqa da nusqa.
Aita ketsek, ótken jyldyń qarasha aiynda tanymal bloger Aigúl Orynbek aqparat jáne kommýnikatsiialar ministri Dáýren Abaevtan "Qalaýlym" baǵdarlamasyn telearnadan kórsetpeýdi suraǵan bolatyn. Ministr myrza atyshýly tok-shoý jaiynda alǵash ret estigenin jáne onyń mazmunyn tekserýge ýáde bergen edi.
Qazirgi tańda "Qalaýlym" baǵdarlamasy "Eýraziia" birinshi arnasynan áli de kórsetiledi.
