Qarjy ministri Erulan Jamaýbaev Armeniiadan ákelinetin kólikterge qatysty jaǵdaidy túsindirdi, dep habarlaidy "Ult aqparat".
«1 aqpanǵa deiin ákelingen kólikterge aiqyndalǵan sheshim bar. Úkimettiń tiisti qaýlysy qabyldandy. Iaǵni, ol kólikter ýaqytsha esepke qoiylyp, sary nómir alyp, kóliktik salyqty tólei beredi. Al Qarjy ministrigi tarapynan biz olardy baqylaýǵa alamyz. Al 1 aqpannan keiin ákelingen kólikterge álbette zańnamaǵa sáikes kedendik bajdy tóleýge týra keledi», - dedi Erulan Jamaýbaev OKQ alańynda ótken halyqqa esep berý kezdesýinde.
Qarjy ministri Armian Respýblikasynyń memlekettik kirister organy tarapynan da salyqtyq mindettemeler boiynsha másele týyndaýy múmkin ekenin eskertti.
«Biz bul máselege bailanysty armian tarapymen kelissóz júrgizip jatyrmyz. Bizdiń eldiń aýmaǵynda sol jaqtyń nómirindegi kólikti júrgizip júrgender salyqty bizdiń elde tóleýi kerek», - dedi Erulan Jamaýbaev.
