قارجى مينيسترٸ ەرۇلان جاماۋباەۆ ارمەنييادان ەكەلٸنەتٸن كٶلٸكتەرگە قاتىستى جاعدايدى تٷسٸندٸردٸ, دەپ حابارلايدى "ۇلت اقپارات".
«1 اقپانعا دەيٸن ەكەلٸنگەن كٶلٸكتەرگە ايقىندالعان شەشٸم بار. ٷكٸمەتتٸڭ تيٸستٸ قاۋلىسى قابىلداندى. ياعني, ول كٶلٸكتەر ۋاقىتشا ەسەپكە قويىلىپ, سارى نٶمٸر الىپ, كٶلٸكتٸك سالىقتى تٶلەي بەرەدٸ. ال قارجى مينيسترٸگٸ تاراپىنان بٸز ولاردى باقىلاۋعا الامىز. ال 1 اقپاننان كەيٸن ەكەلٸنگەن كٶلٸكتەرگە ەلبەتتە زاڭناماعا سەيكەس كەدەندٸك باجدى تٶلەۋگە تۋرا كەلەدٸ», - دەدٸ ەرۇلان جاماۋباەۆ وكق الاڭىندا ٶتكەن حالىققا ەسەپ بەرۋ كەزدەسۋٸندە.
قارجى مينيسترٸ ارميان رەسپۋبليكاسىنىڭ مەملەكەتتٸك كٸرٸستەر ورگانى تاراپىنان دا سالىقتىق مٸندەتتەمەلەر بويىنشا مەسەلە تۋىنداۋى مٷمكٸن ەكەنٸن ەسكەرتتٸ.
«بٸز بۇل مەسەلەگە بايلانىستى ارميان تاراپىمەن كەلٸسسٶز جٷرگٸزٸپ جاتىرمىز. بٸزدٸڭ ەلدٸڭ اۋماعىندا سول جاقتىڭ نٶمٸرٸندەگٸ كٶلٸكتٸ جٷرگٸزٸپ جٷرگەندەر سالىقتى بٸزدٸڭ ەلدە تٶلەۋٸ كەرەك», - دەدٸ ەرۇلان جاماۋباەۆ.
