Foto: kazislam.kz
Búgin Mádeniet jáne aqparat ministri shabýylǵa ushyraǵan Shymkent ákiminiń orynbasary Rýslan Berdenovke qatysty jalǵan aqparattyń túr-túri taralǵanyna qatysty pikir bildirdi, dep habarlaidy Ult.kz inbusiness.kz-ke silteme jasap.
– Men ministr retinde telegram-kanaldardyń jumysyna kóp kóńil aýdarý kerek dep oilaimyn. Óitkeni, keshe de Shymkent ákiminiń orynbasaryna qatysty maǵlumattar sol anonimdi telegram-kanaldardan bastaldy da, ókinishtisi sol, bizdiń keibir resmi BAQ aqparatty ilip áketti. Sondyqtan, bul jerde jýrnalistikanyń negizgi printsipterin buzbaýymyz kerek. Jalpy, tergeý jumystary bitpei jatyp, eshqandai nátijeni aita almaimyz. Sodan keiin kúdiktiniń aty-jónin, sýretin kórsetkeni de úlken rezonans boldy, – deidi ol.
Aida Balaeva oqys oqiǵa týraly aqparat taratqan keibir BAQ-tyń eki taraptyń da quqyǵyn buzǵanyn ashyq aitty.
– Ekinshiden, Rýslan Berdenovtiń ózine de aqparat aiaýsyz bolyp ketti. "Ákimshilikte jumys isteitin áiel adamǵa qyryndady" degen máseleler, ondai aqparatty taratý, meniń oiymsha eshqandai moralǵa syimaidy. Tekserilmegen, naqtylanbaǵan aqparatty taratýǵa bolmaidy. Meniń oiymsha, qazirgi aqparattyq jumysta anonimdi telegram-kanaldardyń jumysyn ashyq etýimiz kerek, – dedi ministr.
Mádeniet jáne aqparat ministri aldaǵy ýaqytta jalǵan aqparat taratatyn arnalardy buǵattaitynyn jetkizdi. Óitkeni, negizsiz aqparattar qos tarapqa ǵana emes, el-jurttyń da kóńil kúiine qatty áser etedi.
– Anonimdi telegram-arnalar búginde jalǵan aqparat, manipýliatsiia men arandatýdyń oshaǵyna ainaldy. Olar halyqtyń kóńil kúiine anyq áser etedi. Bul jaǵdaiǵa kóz jumyp qaraý múmkin emes ekenin moiyndaýymyz kerek. Ministrlik aldynda turǵan mindet – ondai arnalardy anyqtap, buǵattaýǵa qol jetkizý, – dep naqtylai tústi Aida Balaeva.
