فوتو: kazislam.kz
بٷگٸن مەدەنيەت جەنە اقپارات مينيسترٸ شابۋىلعا ۇشىراعان شىمكەنت ەكٸمٸنٸڭ ورىنباسارى رۋسلان بەردەنوۆكە قاتىستى جالعان اقپاراتتىڭ تٷر-تٷرٸ تارالعانىنا قاتىستى پٸكٸر بٸلدٸردٸ, دەپ حابارلايدى Ult.kz inbusiness.kz-كە سٸلتەمە جاساپ.
– مەن مينيستر رەتٸندە تەلەگرام-كانالداردىڭ جۇمىسىنا كٶپ كٶڭٸل اۋدارۋ كەرەك دەپ ويلايمىن. ٶيتكەنٸ, كەشە دە شىمكەنت ەكٸمٸنٸڭ ورىنباسارىنا قاتىستى ماعلۇماتتار سول انونيمدٸ تەلەگرام-كانالداردان باستالدى دا, ٶكٸنٸشتٸسٸ سول, بٸزدٸڭ كەيبٸر رەسمي باق اقپاراتتى ٸلٸپ ەكەتتٸ. سوندىقتان, بۇل جەردە جۋرناليستيكانىڭ نەگٸزگٸ پرينتسيپتەرٸن بۇزباۋىمىز كەرەك. جالپى, تەرگەۋ جۇمىستارى بٸتپەي جاتىپ, ەشقانداي نەتيجەنٸ ايتا المايمىز. سودان كەيٸن كٷدٸكتٸنٸڭ اتى-جٶنٸن, سۋرەتٸن كٶرسەتكەنٸ دە ٷلكەن رەزونانس بولدى, – دەيدٸ ول.
ايدا بالاەۆا وقىس وقيعا تۋرالى اقپارات تاراتقان كەيبٸر باق-تىڭ ەكٸ تاراپتىڭ دا قۇقىعىن بۇزعانىن اشىق ايتتى.
– ەكٸنشٸدەن, رۋسلان بەردەنوۆتٸڭ ٶزٸنە دە اقپارات اياۋسىز بولىپ كەتتٸ. "ەكٸمشٸلٸكتە جۇمىس ٸستەيتٸن ەيەل ادامعا قىرىندادى" دەگەن مەسەلەلەر, ونداي اقپاراتتى تاراتۋ, مەنٸڭ ويىمشا ەشقانداي مورالعا سىيمايدى. تەكسەرٸلمەگەن, ناقتىلانباعان اقپاراتتى تاراتۋعا بولمايدى. مەنٸڭ ويىمشا, قازٸرگٸ اقپاراتتىق جۇمىستا انونيمدٸ تەلەگرام-كانالداردىڭ جۇمىسىن اشىق ەتۋٸمٸز كەرەك, – دەدٸ مينيستر.
مەدەنيەت جەنە اقپارات مينيسترٸ الداعى ۋاقىتتا جالعان اقپارات تاراتاتىن ارنالاردى بۇعاتتايتىنىن جەتكٸزدٸ. ٶيتكەنٸ, نەگٸزسٸز اقپاراتتار قوس تاراپقا عانا ەمەس, ەل-جۇرتتىڭ دا كٶڭٸل كٷيٸنە قاتتى ەسەر ەتەدٸ.
– انونيمدٸ تەلەگرام-ارنالار بٷگٸندە جالعان اقپارات, مانيپۋلياتسييا مەن ارانداتۋدىڭ وشاعىنا اينالدى. ولار حالىقتىڭ كٶڭٸل كٷيٸنە انىق ەسەر ەتەدٸ. بۇل جاعدايعا كٶز جۇمىپ قاراۋ مٷمكٸن ەمەس ەكەنٸن مويىنداۋىمىز كەرەك. مينيسترلٸك الدىندا تۇرعان مٸندەت – ونداي ارنالاردى انىقتاپ, بۇعاتتاۋعا قول جەتكٸزۋ, – دەپ ناقتىلاي تٷستٸ ايدا بالاەۆا.
