Foto: QR Úkimeti baspasóz qyzmeti
Almatyda jekemenshik mekteptiń oqýshysy zorlanǵany týraly balanyń anasy málim etken bolatyn. Osy máselege qatysty Oqý-aǵartý ministri Ǵani Beisembaev pikir bildirdi, dep habarlaidy QazAqparat agenttigi.
«Bul másele Oqý-aǵartý ministrligi Balalardyń quqyqtaryn qorǵaý komitetiniń tolyqqandy baqylaýynda tur. Qazir qylmystyq is júrip jatyr. Sonyń nátijesine bailanysty naqty jaýap bolady dep sanaimyz. Atap aitqanda, balaǵa, ata-anaǵa tiisti qoldaý kórsetý jaǵynan atalǵan komitet jergilikti basqarmamen birge jumystardy úilestirip jatyr», - dedi Beisembaev Senatta tilshiler suraǵyna jaýap bere otyryp.
Onyń aitýynsha, osy máselege qatysty jergilikti balalardyń quqyǵyn qorǵaý ókildigi jáne basqa da tiisti qoǵamdyq uiymdar tartylǵan.
Sonymen qatar tilshiler «balaǵa qatysty bul oqiǵa mektep dárethanasynda bolǵan ba?» dep surady.
Óz kezeginde ministr bul aqparatty naqtylaý kerek ekenin aitty.
«Tergeý jumystary aiaqtalǵannan keiin naqty mán-jaidy biletin bolamyz», - dedi Beisembaev.
Buǵan deiin Almaty turǵynynyń 1-synyptaǵy balasynyń zorlanǵanyn málimdegeni týraly habarlaǵan edik. Keiin osy oqiǵaǵa boiynsha qylmystyq is qozǵaldy.
