QR Premer-Ministri Asqar Maminniń tóraǵalyǵymen ótken Úkimet otyrysynda QR Prezidenti Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýyn iske asyrý jónindegi sharalar qaraldy. Agroónerkásip keshenin damytýdyń aldaǵy josparlary týraly aýyl sharýashylyǵy ministri Saparhan Omarov baiandady, dep habarlaidy "Ult aqparat" primeminister.kz saityna silteme jasap.
Ministrdiń málimetinshe, kelesi besjyldyqqa arnalǵan jańa Agroónerkásiptik keshendi damytý jónindegi ulttyq jobany ázirleý maqsatynda Jumys toby quryldy, onyń quramyna qoǵamdyq salalyq qaýymdastyqtar men odaqtardyń basshylary, aýyl sharýashylyǵyn damytý salasyndaǵy halyqaralyq sarapshylar, «Atameken» Ulttyq kásipkerler palatasynyń ókilderi, sondai-aq biznes pen agrarlyq ǵylym ókilderi kirdi.
Jumys tobynyń maqsaty jańa Agroónerkásiptik keshendi damytýdyń memlekettik baǵdarlamasy tujyrymdamasyn daiyndaý. Naq osy tujyrymdama baǵdarlamalyq qujattyń negizin quraidy, onda mynadai mindetter qamtylady:
- ishki naryqty áleýmettik mańyzy bar azyq-túlik taýarlarymen molyqtyrý;
- aýyl halqynyń tabysyn ósirý;
- eńbek ónimdiligin 2,5 esege arttyrý;
- agroónerkásiptik keshen ónimderiniń eksportyn 2 esege ulǵaitý.
«Qarjynyń, jer resýrstarynyń qoljetimdiligin arttyrý, agrarlyq ǵylymdy damytý, salany tsifrlandyrý, veterinariialyq jáne fitosanitariialyq qaýipsizdik máseleleri, sondai-aq shikizattyń ǵana emes, sonymen qatar onyń óńdelgen ónimderiniń de eksporttyq áleýetin damytý máseleleri pysyqtalady», — dedi Omarov.
Óńdeýshi kásiporyndar qýattylyqtarynyń júktemesin arttyrý úshin zákirlik kooperatsiiany damytý sharalary pysyqtalady, ol kooperatsiianyń tik jáne kóldeneń tizbekteri arqyly jeke qosalqy sharýashylyqtar men usaq bólshektelgen fermerlerdiń áleýetin tamaq jáne jeńil ónerkásip kásiporyndarynyń qajettilikterimen bailanystyrýǵa múmkindik beredi.
«Birge kúshtimiz!» atty kooperatsiia qaǵidaty usaq taýarlyq óndiristiń básekelik artyqshylyqtaryn arttyrýǵa múmkindik beredi. Kooperativterdi damytý úshin basymdyq pen sýbsidiialaýdyń joǵary normativteri, sondai-aq jeńildetilgen salyq rejimderi túrindegi ekonomikalyq jaǵdailar jasaldy», — dedi ministr.
Mysaly, biyl tamyzda sýbsidiialaý qaǵidalaryna ózgerister engizildi, onda aýyl sharýashylyǵy kooperativteri úshin jabdyqtar men tehnika qunynan 50% kóleminde investitsiialyq sýbsidiialar, sondai-aq kooperativter daiyndaǵan sút pen etti sýbsidiialaý múmkindigi kózdeldi.
Sondai-aq salyq zańnamasynda kooperativter úshin barlyq salyq boiynsha 70% jeńildik kózdelgen. Bul baǵyttaǵy jumys jalǵasyp jatyr. Nursultan Nazarbaev qory men Premer-Ministr Keńsesiniń janyndaǵy Jobalyq ofis iske asyryp jatqan salalyq menedjerlerdi daiyndaý sheńberinde kooperativterdi qoldaýdyń qosymsha sharalaryn engizý talqylanýda.
«Nátijesinde iri investitsiialyq jobalardyń ainalasynda aýyl sharýashylyǵy shikizatyn óndirý jáne qaita óńdeý boiynsha ekojúie qurylady. Árine, bul salalardaǵy ósim sýarmaly jerlerdiń ulǵaiýyna múmkindik beredi. Qazir sý tutynýdy azaitý jáne ylǵal resýrstaryn únemdeý tehnologiiasyna kóshýdi yntalandyrý úshin zamanaýi sýarý júieleriniń quny 50%-ǵa sýbsidiialanady, bul sýdy tutyný men joǵaltýdy birneshe ese azaitýǵa múmkindik beredi», — dep túsindirdi vedomstvo basshysy.
Sonymen qatar zamanaýi sýarý júieleri bizdiń fermerlerge qoljetimdi bolýy úshin Qazaqstanǵa olardy óndirýge álemdik kompaniialardy tartý jumystary júrgizildi.
«Agrarlyq ǵylymdy damytý úshin Nazarbaev Ýniversitetiniń damý tájiribesi boiynsha Zertteý ýniversitetterin qurý jónindegi pilottyq joba iske asyrylady. Atap aitqanda, qaramaǵyna 4 ǵylymi-zertteý uiymyn bere otyryp, S. Seifýllin atyndaǵy Qazaq agrotehnikalyq ýniversitetiniń bazasynda, sondai-aq konsortsiým qaǵidattarynda 4 ǵylymi zertteý uiymdaryn tarta otyryp, Qazaq ulttyq agrarlyq ýniversitetiniń bazasynda qurylady. Bul teoriiany praktikamen bailanystyrýǵa múmkindik beredi de, biznes úshin otandyq ǵylymi zertteýlerge degen suranysty qamtamasyz etedi», — dep túiindedi aýyl sharýashylyǵy ministri.
