QR Mádeniet jáne sport ministri Dáýren Abaev Abai atyndaǵy Qazaq memlekettik akademiialyq opera jáne balet teatryna nege burynǵy tsirk basshysy taǵaiyndalǵanyn túsindirdi, dep habarlaidy QazAqparat.
Vedomstvonyń mádeniet, arhiv jáne baspa isine arnalǵan keńeitilgen alqa májilisinen keiin BAQ ókilderi ministr Dáýren Abaevqa saladaǵy taǵaiyndaýlar týraly suraq qoidy. BAQ ókiliniń aitýynsha, Almaty tsirkiniń basshysy bolǵan Nurbaqyt Bókebaevtyń Abai atyndaǵy Qazaq memlekettik akademiialyq opera jáne balet teatrynyń basshysy bolýyn jurt árqily qabyldaǵan.
«Bilseńizder, biz birneshe kadrlyq aýys-túiis jasaǵan bolatynbyz. Bul taǵaiyndaý salany ishinen biletin kásibi mamandar basshy bolýy kerek degen oidan týyndady. Akademiialyq opera jáne balet teatry týraly aitsaq, ol jerge naǵyz kásibi maman keldi. Nege ekenin qaidam, bári onyń buryn tsirkti basqarǵanyna nazar aýdaryp ketti. Al tsirkke deiin, meniń bilýimshe, 6 nemese 7 jyl boiy dál osy akademiialyq opera jáne balet teatry basshysynyń birinshi orynbasary bolyp jumys istegen. Iaǵni, bul adam Abai atyndaǵy opera teatryn bes saýsaǵyndai biledi. Sondyqtan bul taǵaiyndaý adamnyń kásibi sapasyna qarap qana jasaldy», - dedi ministr.
Onyń paiymdaýymsha, jalpy mádeniet salasyna basshylardyń jańa býyny kelýi kerek.
«Men bul vedomstvonyń búkil salasymen birkelki bailanysy bar adammyn dep oilaimyn. Bul adamdy akademiialyq opera jáne balet teatryna jańa serpin beredi degen úmitpen taǵaiyndap otyrmyz. Jalpy, salaǵa basshylardyń jańa býyny kelýi kerek dep oilaimyn», - dedi Dáýren Abaev.
