قر مەدەنيەت جەنە سپورت مينيسترٸ دەۋرەن اباەۆ اباي اتىنداعى قازاق مەملەكەتتٸك اكادەمييالىق وپەرا جەنە بالەت تەاترىنا نەگە بۇرىنعى تسيرك باسشىسى تاعايىندالعانىن تٷسٸندٸردٸ, دەپ حابارلايدى قازاقپارات.
ۆەدومستۆونىڭ مەدەنيەت, ارحيۆ جەنە باسپا ٸسٸنە ارنالعان كەڭەيتٸلگەن القا مەجٸلٸسٸنەن كەيٸن باق ٶكٸلدەرٸ مينيستر دەۋرەن اباەۆقا سالاداعى تاعايىنداۋلار تۋرالى سۇراق قويدى. باق ٶكٸلٸنٸڭ ايتۋىنشا, الماتى تسيركٸنٸڭ باسشىسى بولعان نۇرباقىت بٶكەباەۆتىڭ اباي اتىنداعى قازاق مەملەكەتتٸك اكادەمييالىق وپەرا جەنە بالەت تەاترىنىڭ باسشىسى بولۋىن جۇرت ەرقيلى قابىلداعان.
«بٸلسەڭٸزدەر, بٸز بٸرنەشە كادرلىق اۋىس-تٷيٸس جاساعان بولاتىنبىز. بۇل تاعايىنداۋ سالانى ٸشٸنەن بٸلەتٸن كەسٸبي ماماندار باسشى بولۋى كەرەك دەگەن ويدان تۋىندادى. اكادەمييالىق وپەرا جەنە بالەت تەاترى تۋرالى ايتساق, ول جەرگە ناعىز كەسٸبي مامان كەلدٸ. نەگە ەكەنٸن قايدام, بەرٸ ونىڭ بۇرىن تسيركتٸ باسقارعانىنا نازار اۋدارىپ كەتتٸ. ال تسيرككە دەيٸن, مەنٸڭ بٸلۋٸمشە, 6 نەمەسە 7 جىل بويى دەل وسى اكادەمييالىق وپەرا جەنە بالەت تەاترى باسشىسىنىڭ بٸرٸنشٸ ورىنباسارى بولىپ جۇمىس ٸستەگەن. ياعني, بۇل ادام اباي اتىنداعى وپەرا تەاترىن بەس ساۋساعىنداي بٸلەدٸ. سوندىقتان بۇل تاعايىنداۋ ادامنىڭ كەسٸبي ساپاسىنا قاراپ قانا جاسالدى», - دەدٸ مينيستر.
ونىڭ پايىمداۋىمشا, جالپى مەدەنيەت سالاسىنا باسشىلاردىڭ جاڭا بۋىنى كەلۋٸ كەرەك.
«مەن بۇل ۆەدومستۆونىڭ بٷكٸل سالاسىمەن بٸركەلكٸ بايلانىسى بار اداممىن دەپ ويلايمىن. بۇل ادامدى اكادەمييالىق وپەرا جەنە بالەت تەاترىنا جاڭا سەرپٸن بەرەدٸ دەگەن ٷمٸتپەن تاعايىنداپ وتىرمىز. جالپى, سالاعا باسشىلاردىڭ جاڭا بۋىنى كەلۋٸ كەرەك دەپ ويلايمىن», - دەدٸ دەۋرەن اباەۆ.
