Foto: Adil Sadykov
Almaty qalasynyń PIK qaýymdastyǵy kóppáterli turǵyn úilerdi basqarý jáne kútip-ustaýdyń minimaldy tarifin qaita qaraýdy usyndy. Bul bastama baspanalardyń turǵyndarǵa qolailylyǵyn jaqsartyp, qaýipsizdikti arttyrý úshin kerek. Al bul sońǵy 10 jyldan astam ýaqyt boiy ózgermegen qazirgi tarifte múlde múmkin emes.
“Búgingi tańda Almatydaǵy tarif ár sharshy metr úshin 7 teńgeden 700 teńgege deiingi somany qurap otyr. Bul rette ortasha kórsetkish nebary - 40 teńge. Mundai tarif yńǵaily jaǵdailar jasap, turǵyn úilerdi kútip-ustaýǵa qajet jumystardy júrgizýge jetkiliksiz”, - dep túsindirdi PIK qaýymdastyǵynyń tóraǵasy Arkadii Rýbtsov.
Qaýymdastyq ókilderi atap ótkendei, qazirgi tarif tehnikalyq qyzmet kórsetý, turaqty dezinfektsiia, deratizatsiia jáne jóndeý jumystary siiaqty mańyzdy shyǵyndardy múlde jappaidy. Bul óz kezeginde turǵyndardyń jaily ómir súrýine qolaisyzdyq pen qaýip týdyrady. Odan bólek, jańa standarttar basqarýshy kompaniialardan turǵyndardyń qaýipsizdigin qamtamasyz etýge baǵyttalǵan qosymsha sharalardy atqarýdy talap etedi. Bul maqsattarǵa da qosymsha qarjy qajet.
Osylaisha, tarifti qaita qaraý qyzmet sapasyn arttyryp, jetkiliksiz qarjylandyrýǵa bailanysty problemalardy sheship, jalpy úige ortaq múlikti kútip-ustaýǵa jaǵdai jasaýǵa múmkindik beredi. Minimaldy tariftiń ósýi turǵyndardyń qolaily jaǵdaida turýyna oń yqpal etip, basqarýshy kompaniialarǵa óz mindetterin qazirgiden de nátijeli atqarýǵa jaǵdai jasaidy.
