Densaýlyq saqtaý ministrligi Sanitarlyq-epidemiologiialyq baqylaý komitetiniń resmi ókili Erjan Baitanaev 15 shildege deiin qyzmetkerlerin vaktsinalaýǵa mindettelgen nysandarda eshqandai tekserý júrmeitinin rastady, dep habarlaidy "Ult aqparat".
Úkimettiń keńeitilgen otyrysynda Memleket basshysy Qasym-Jomart Toqaev shaǵyn jáne orta biznes qyzmetkerlerin vaktsinalaý merzimderi naqty ári naýqanshyldyqtan ada bolýy tiistigin aitqan bolatyn.
«Prezidenttiń tapsyrmasynan keiin keshe koronavirýs infektsiiasynyń taralýyn boldyrmaý jónindegi vedomstvoaralyq komissiianyń otyrysy ótti. Sol jiynda qyzmet kórsetý salasynyń qyzmetkerlerin vaktsinalaý merzimin 19 shildede naqtylaý týraly sheshim qabyldandy. Iaǵni, 15 shildeden keiin atalmysh nysandarǵa qyzmetkerleri vaktsina almaǵany úshin eshqandai shara qoldanylmaidy. Muny mindetti vaktsinalaý merzimi 19 shildege deiin sozyldy dep qate túsinýge bolmaidy. Naqty qansha merzimge sozylatyny 19 shildedegi vedomstvoaralyq otyrysta belgili bolady», - deidi Erjan Baitanaev.
