Kópshilikke tanymal WhatsApp messendjerin millionnan astam qoldanýshylar onyń jalǵan nusqasyn júktegen. Bul baǵdarlamany jańalaý fýnktsiiasy qosylǵan kezde bolǵan, dep jazady Motherboard.
Alaiaqtar Google Play qosymshalar dúkenine WhatsApp Inc. kompaniiasynyń aty kórsetilgen Update WhatsApp Messenger degen baǵdarlamany engizgen. Olar bul áreketke ózderiniń jarnamasyn qoiý úshin barǵan.
Qosymshanyń jalǵan nusqasyn jasaýshylar barlyǵy da durys istelgen, tek ónim iesiniń atynda kózge kórinbeitin erekshelik bolǵan. Iaǵni, kompaniianyń atymen birdei bolyp qalmas úshin ondaǵy sózder arasyndaǵy bos orynǵa ádettegi perneden ózgeshe iýnikod simvolyn jazǵan. Google roboty osyǵan aldanyp qalyp, ony burynnan bar kompaniianyń aty dep qabyldap, jalǵan qosymshany baǵdarlamalar qoimasyna tirkep jibergen.
Paidalanýshylar tarapynan shaǵym túse bergen soń messendjer Google Play-den óshirildi.
Aita keteiik, 3 qarashada WhatsApp qyzmetinde túrli kedergiler bolyp, álemniń túpkir-túpkirindegi paidalanýshylardyń barlyǵy qosymshaǵa kire almai nemese habarlama jibere almai shaǵymdanǵan edi. Bul týraly habarlaǵan bolatynbyz.
