Foto: pexels.com
Elorda aýmaǵynda tiisti litsenziiasyz tsifrlyq aktivterdi zańsyz óndirý faktisi boiynsha qylmystyq isti Qarjylyq monitoring agenttigi tergep jatyr. Bul týraly vedomstvoǵa silteme jasaǵan Ult.kz habarlaidy.
Kúdiktiler 2022 jyldan bastap 2024 jyldyń mamyr aiyna deiin Astana qalasynyń aýmaǵynda ai saiynǵy elektr qýatyn tutynýy megapolistegi bir turǵyn alabynyń qajettiligimen parapar bolatyn, qozǵaltqyshtardy óńdeý ortalyǵynyń túrinde jasyrylǵan mainingtik fermanyń qyzmetin uiymdastyrǵan.
Atalǵan kezeńde óndirilgen zańsyz tsifrlyq aktivterdiń quny 143 mln teńgeden asqan.
Sotqa deiingi tergep-tekserý barysynda 1 300-ge jýyq mainingke arnalǵan apparattyq-baǵdarlamalyq keshen (ASIC), olardy salqyndatýǵa arnalǵan qurylǵylar jáne qosalqy transformatorlyq stantsiia tárkilendi.
Budan basqa olardyń elektr energiiasy úshin 25,3 mln teńge somasyna tólem jasamaǵany anyqtaldy.
Alaida QPK-niń 201-babynyń talaptaryna sáikes sotqa deiingi tergep-tekserýdiń ózge de derekteri jariia etilýge jatpaidy eken.
