Foto agenttiktiń facebook paraqshasynan
Qazaqstandyq kásipker Eýroodaq elderine kókserke súbesin kontrabandalyq jolmen tasymaldaǵan, dep habarlaidy «Ult aqparat» Sputnik Qazaqstanǵa silteme jasap.
Ol balyqty Almaty oblysynyń sý qoimalarynan aýlap, ilespe qujattarda onyń naqty qaidan alynǵany týraly derekti ózgertken. Bar bolǵany bir jyl ishinde osy shema boiynsha Eýroodaqqa bir million tonnadan astam balyq shyǵarylǵan, dep habarlady qarjy monitoringi agenttiginiń tergeýshileri.
"2022 jyldyń shildesi men 2023 jyldyń sáýiri aralyǵynda zańdy tulǵa Eýroodaq elderine 1135 tonnadan astam kókserke súbesin eksporttaǵany anyqtaldy", - delingen vedomstvo habarlamasynda.
Jalǵan veterinarlyq sertifikattarda almatylyq kókserke Qyrǵyzstannan aýlanǵan dep kórsetilgen. Muny eksportqa ruqsat alý úshin bir jylǵa jýyq paidalanǵan, dep habarlady vedomstvodaǵylar. Alaida balyqty jergilikti sý qoimalarynda ruqsat qujattarynsyz aýlaǵan.
"Tergeý barysynda jalpy salmaǵy 125 tonna balyq ónimderin eksportqa jóneltýdiń joly kesildi", - dep bólisti qarjy monitoringi agenttiginiń ókilderi.
Tergeý jalǵasyp jatyr.
