فوتو اگەنتتٸكتٸڭ facebook پاراقشاسىنان
قازاقستاندىق كەسٸپكەر ەۋرووداق ەلدەرٸنە كٶكسەركە سٷبەسٸن كونتراباندالىق جولمەن تاسىمالداعان, دەپ حابارلايدى «ۇلت اقپارات» Sputnik قازاقستانعا سٸلتەمە جاساپ.
ول بالىقتى الماتى وبلىسىنىڭ سۋ قويمالارىنان اۋلاپ, ٸلەسپە قۇجاتتاردا ونىڭ ناقتى قايدان الىنعانى تۋرالى دەرەكتٸ ٶزگەرتكەن. بار بولعانى بٸر جىل ٸشٸندە وسى سحەما بويىنشا ەۋرووداققا بٸر ميلليون توننادان استام بالىق شىعارىلعان, دەپ حابارلادى قارجى مونيتورينگٸ اگەنتتٸگٸنٸڭ تەرگەۋشٸلەرٸ.
"2022 جىلدىڭ شٸلدەسٸ مەن 2023 جىلدىڭ سەۋٸرٸ ارالىعىندا زاڭدى تۇلعا ەۋرووداق ەلدەرٸنە 1135 توننادان استام كٶكسەركە سٷبەسٸن ەكسپورتتاعانى انىقتالدى", - دەلٸنگەن ۆەدومستۆو حابارلاماسىندا.
جالعان ۆەتەرينارلىق سەرتيفيكاتتاردا الماتىلىق كٶكسەركە قىرعىزستاننان اۋلانعان دەپ كٶرسەتٸلگەن. مۇنى ەكسپورتقا رۇقسات الۋ ٷشٸن بٸر جىلعا جۋىق پايدالانعان, دەپ حابارلادى ۆەدومستۆوداعىلار. الايدا بالىقتى جەرگٸلٸكتٸ سۋ قويمالارىندا رۇقسات قۇجاتتارىنسىز اۋلاعان.
"تەرگەۋ بارىسىندا جالپى سالماعى 125 توننا بالىق ٶنٸمدەرٸن ەكسپورتقا جٶنەلتۋدٸڭ جولى كەسٸلدٸ", - دەپ بٶلٸستٸ قارجى مونيتورينگٸ اگەنتتٸگٸنٸڭ ٶكٸلدەرٸ.
تەرگەۋ جالعاسىپ جاتىر.
