Foto: Justin Chin / Bloomberg / Getty Images
Qytailyq kriptokásipker Djastin Son sktochpen qabyrǵaǵa jabystyrylǵan jemisti 6 million dollarǵa óner týyndysy retinde aýktsionnan alǵan.
Barron's basylymynyń jazýynsha, italiialyq sýretshi Maýritsio Kattelannyń "Comedian" dep atalatyn kontseptýaldy óner týyndysy rekordtyq baǵaǵa – 6,2 mln dollarǵa satylǵan.
Ony TRON kriptovaliýta platformasynyń negizin qalaýshy Djastin San satyp aldy. Satyp alǵannan keiin kóp uzamai San banandy "biregei kórkem tájiribeniń" bóligi retinde jeýge nietti ekenin jariialady.
"Men banan úshin alty million dollar tóleimin dep eshqashan oilamappyn", - dep ázildedi ol.
Kóp uzamai milliarder ýádesin oryndap, jemisti qabyrǵadan alyp, jep qoiǵan.
"Comedian" týyndysy alǵash ret 2019 jyly Maiami-Bichtegi Art Basel kórmesinde qoiylǵan, sol kezde kórermender arasynda "bul shynaiy óner me, álde jai ázil me?" degen pikirtalas týyndaǵan.
Djastin Sýn - Qytaidan shyqqan kásipker, ol alǵashqy iri tabysyn Snapchat-tyń qytailyq balamasy Peiwo qosymshasynan tapqan. 2014 jyly kriptoqaýymdastyqqa qosylyp, sodan beri blokchein jobalarymen ainalysyp keledi.
.jpg)