Illiýstratsiia: gov.kz
Qazaqstannan Qytaiǵa quny milliard teńge bolatyn pil pen múiiztumsyq azý tisterin alyp ótpek bolǵandar ustaldy. Bul týraly Bas kólik prokýratýrasynyń baspasóz qyzmeti málimdedi, - dep habarlaidy Tengrinews.kz agenttigi.
"Qytai Halyq Respýblikasyna pil men múiiztumsyq tisterin zańsyz alyp ótpek bolǵandar ustaldy. Mamandar olardyń salmaǵy 5 tonna, quny bir milliard teńgeden asatynyn aitty", - dep habarlady prokýratýra.
Ejelgi janýarlardyń súiegi Qazaqstanǵa Iakýtiiadan (Resei) ákelingeni belgili boldy. Qazaqstan azamaty zattardy áketýge litsenziia alý úshin akkreditatsiiasynan aiyrylǵan reseilik mamanǵa júgingen.
"Bas kólik prokýratýra reseilik áriptesterimen birge sottalýshynyń kinásin qajetti dáleldedi. Aiyptaýshynyń bastamasy boiynsha sot Qazaqstannyń Bilim jáne ǵylym ministrligine qylmys jasaýǵa yqpal etetin sebepter men jaǵdailardy joiý týraly jeke qaýly shyǵardy", - dep túsindirdi prokýratýrada.
