Foto: uiymdastyrýshylardan
Almaty birneshe kúnge álemdik mánerlep syrǵanaý ortalyǵyna ainaldy, dep habarlaidy Ult.kz.
VI halyqaralyq Denis Ten Memorial Challenge 2025 týrniri muz aidynyna álemniń eń úzdik sportshylaryn — jas daryndar men halyqaralyq deńgeidegi chempiondardy jinady. Denis Tenniń jarqyn beinesine degen qurmet, sporttyq rýh pen shabyt atmosferasy Qazaqstan, Ońtústik Koreia, AQSh, Grýziia, Kanada, Shvetsiia, Qytai jáne ózge elderden kelgen qatysýshylardy biriktirdi. Bul týrnir Qazaqstan álemdik mánerlep syrǵanaý kartasynda óz ornyn nyq bekitkenin taǵy bir dáleldedi.
Foto: uiymdastyrýshylardan
Týrnirdiń basty jeńisi — qazaqstandyq mánerlep syrǵanaýshy Mihail Shaidorovtyń erler arasyndaǵy jeke baǵdarlamada 282.22 upaimen top jarýy boldy. Ol qarsylastaryn aiqyn basyp ozyp, kórermenderdiń erekshe yqylasyna bólendi jáne halyqaralyq tóreshilerdiń joǵary baǵasyna ie boldy.
Kúmis júldeni — Nika Egadze (266.90 upai), qola júldeni — Djeison Braýn (257.81 upai) ielendi.
Mihail úshin bul týrnir maýsymnyń ashylý kezeńi ári aldaǵy Olimpiada oiyndaryna daiyndyqtyń mańyzdy bóligi boldy. Erkin baǵdarlamada ol álemdegi eń kúrdeli tehnikalyq elementterdiń birin - tórt rettik sekirýdi bes ret oryndap, sátti óner kórsetti.
Onyń baǵdarlamasyndaǵy eń erekshe tus — úshtik aksel – oiler – tórttik salhov kaskady. ISU dereginshe, bul element áli kúnge deiin álemde eshkim qaitalamaǵan ekskliýzivti kombinatsiia sanalady. Budan keiin sportshy tórttik lýtts, tórttik flip jáne eki tórttik týlýp oryndap, baǵdarlamasyn sirek kezdesetin úshtik lýtts – úshtik aksel kaskadymen aiaqtady.
Qysqa baǵdarlamada Mihail tórttik týlýp pen úshtik akseldi minsiz oryndap, tamasha óner kórsetti. Eki baǵdarlamanyń jiyntyq nátijesi oǵan týrnirdiń aiqyn kóshbasshysy atanýǵa múmkindik berdi.
Foto: uiymdastyrýshylardan
Keshtiń kózaiymy - Mihail Shaidorov
Kórermender Mihail Shaidorovtyń ónerin «Halyk Arena»-da uzaq qol shapalaqtap qarsy aldy.
Halyqaralyq qazylar alqasy sportshynyń tehnikasynyń joǵary deńgeiin ǵana emes, oryndaýshylyq sheberligi men kórkemdigin de erekshe atap ótti. Mihail muz ústinde ózin senimdi ári baisaldy kórsetti — kúsh pen sheberlikti úilestire otyryp, áserli jáne maǵynaly baǵdarlamasyn oryndady.
Jarysqa qurmetti qonaq retinde Reseidiń ataqty bapkeri, eńbek sińirgen jattyqtyrýshy Tatiana Tarasova qatysty. Ol qatysýshylardyń ónerin muqiiat baqylap, Mihail Shaidorovtyń sheberligine joǵary baǵa berdi.
— Mihaildiń syrǵanaýy – tehnika, emotsiia jáne oryndaýshylyq kemeldiktiń úilesimi. Mundai deńgei jas sportshylar arasynda sirek kezdesedi, — dedi ol.
Óz kezeginde Mihail jarystan keiin emotsiiasyn bólisti:
— Biz daiyndaǵannyń bárin kórsetýge múmkindik alǵanyma qýanyshtymyn. Baǵdarlama óte kúrdeli boldy, ár element bar nazarymdy qajet etti. Kórermenderdiń qoldaýy maǵan úlken kúsh berdi. Bul jarys men úshin jai ǵana saiys emes, Denis Tenniń rýhyna degen qurmet. Ol bizdiń býyndy shabyttandyrǵan tulǵa, — dedi Shaidorov.
Denis Ten Memorial Challenge – Halyqaralyq konki odaǵynyń (ISU) Challenger Series qataryna kiretin bedeldi jarys. Týrnir qazaqstandyq mánerlep syrǵanaýshy, Olimpiada júldegeri Denis Tenniń qurmetine atalǵan. Biylǵy maýsymdaǵy basty jarystardyń biri sanalatyn bul doda 2026 jyly Milan–Kortina-d’Ampetstso qalalarynda ótetin Olimpiada oiyndaryna daiyndyq kezeńi boldy.
Foto: uiymdastyrýshylardan
Denis Ten memorialy gala-shoýmen túiindeldi
Almatydaǵy Denis Ten Memorial Challenge 2025 týrniri mánerlep syrǵanaýdan áserli Gala-shoýmen aiaqtaldy. Sharaǵa Denis Ten akademiiasynyń tárbielenýshileri – jas órenderden bastap, qazirgi chempiondarǵa deiin qatysty.
Sahnada týrnir jeńimpazdary men júldegerleri — Mihail Shaidorov, Nika Egadze, Djeison Braýn, Haien Li, Diana Devis pen Gleb Smolkin juby óner kórsetti. Sonymen qatar, keshtiń qurmetti qonaqtary, álemge áigili mánerlep syrǵanaýshylar – Maksim Trankov pen Tatiana Volosojar da muz ústine shyqty.
Foto: uiymdastyrýshylardan
Bul kesh ár býyn sportshylaryn biriktirgen erekshe sátke ainaldy. Gala-shoý mánerlep syrǵanaýdaǵy dástúr men jańashyldyqtyń sabaqtastyǵyn aiqyn kórsetti ári týrnirdiń halyqaralyq deńgeidegi mańyzyn taǵy da dáleldedi.
Qorytyndy shoý jarystyń jarqyn núktesi boldy. Ol Denis Ten Memorial Challenge týrniriniń mánin – tek sporttyq báseke ǵana emes, sonymen qatar búkil bir urpaqqa shabyt syilaǵan Denis Tenge degen qurmet pen sport pen ónerdiń ortaq merekesin eske saldy.
