فوتو: ۇيىمداستىرۋشىلاردان
الماتى بٸرنەشە كٷنگە ەلەمدٸك مەنەرلەپ سىرعاناۋ ورتالىعىنا اينالدى, دەپ حابارلايدى Ult.kz.
VI حالىقارالىق Denis Ten Memorial Challenge 2025 تۋرنيرٸ مۇز ايدىنىنا ەلەمنٸڭ ەڭ ٷزدٸك سپورتشىلارىن — جاس دارىندار مەن حالىقارالىق دەڭگەيدەگٸ چەمپيونداردى جينادى. دەنيس تەننٸڭ جارقىن بەينەسٸنە دەگەن قۇرمەت, سپورتتىق رۋح پەن شابىت اتموسفەراسى قازاقستان, وڭتٷستٸك كورەيا, اقش, گرۋزييا, كانادا, شۆەتسييا, قىتاي جەنە ٶزگە ەلدەردەن كەلگەن قاتىسۋشىلاردى بٸرٸكتٸردٸ. بۇل تۋرنير قازاقستان ەلەمدٸك مەنەرلەپ سىرعاناۋ كارتاسىندا ٶز ورنىن نىق بەكٸتكەنٸن تاعى بٸر دەلەلدەدٸ.
فوتو: ۇيىمداستىرۋشىلاردان
تۋرنيردٸڭ باستى جەڭٸسٸ — قازاقستاندىق مەنەرلەپ سىرعاناۋشى ميحايل شايدوروۆتىڭ ەرلەر اراسىنداعى جەكە باعدارلامادا 282.22 ۇپايمەن توپ جارۋى بولدى. ول قارسىلاستارىن ايقىن باسىپ وزىپ, كٶرەرمەندەردٸڭ ەرەكشە ىقىلاسىنا بٶلەندٸ جەنە حالىقارالىق تٶرەشٸلەردٸڭ جوعارى باعاسىنا يە بولدى.
كٷمٸس جٷلدەنٸ — نيكا ەگادزە (266.90 ۇپاي), قولا جٷلدەنٸ — دجەيسون براۋن (257.81 ۇپاي) يەلەندٸ.
ميحايل ٷشٸن بۇل تۋرنير ماۋسىمنىڭ اشىلۋ كەزەڭٸ ەرٸ الداعى وليمپيادا ويىندارىنا دايىندىقتىڭ ماڭىزدى بٶلٸگٸ بولدى. ەركٸن باعدارلامادا ول ەلەمدەگٸ ەڭ كٷردەلٸ تەحنيكالىق ەلەمەنتتەردٸڭ بٸرٸن - تٶرت رەتتٸك سەكٸرۋدٸ بەس رەت ورىنداپ, سەتتٸ ٶنەر كٶرسەتتٸ.
ونىڭ باعدارلاماسىنداعى ەڭ ەرەكشە تۇس — ٷشتٸك اكسەل – ويلەر – تٶرتتٸك سالحوۆ كاسكادى. ISU دەرەگٸنشە, بۇل ەلەمەنت ەلٸ كٷنگە دەيٸن ەلەمدە ەشكٸم قايتالاماعان ەكسكليۋزيۆتٸ كومبيناتسييا سانالادى. بۇدان كەيٸن سپورتشى تٶرتتٸك لۋتتس, تٶرتتٸك فليپ جەنە ەكٸ تٶرتتٸك تۋلۋپ ورىنداپ, باعدارلاماسىن سيرەك كەزدەسەتٸن ٷشتٸك لۋتتس – ٷشتٸك اكسەل كاسكادىمەن اياقتادى.
قىسقا باعدارلامادا ميحايل تٶرتتٸك تۋلۋپ پەن ٷشتٸك اكسەلدٸ مٸنسٸز ورىنداپ, تاماشا ٶنەر كٶرسەتتٸ. ەكٸ باعدارلامانىڭ جيىنتىق نەتيجەسٸ وعان تۋرنيردٸڭ ايقىن كٶشباسشىسى اتانۋعا مٷمكٸندٸك بەردٸ.
فوتو: ۇيىمداستىرۋشىلاردان
كەشتٸڭ كٶزايىمى - ميحايل شايدوروۆ
كٶرەرمەندەر ميحايل شايدوروۆتىڭ ٶنەرٸن «Halyk Arena»-دا ۇزاق قول شاپالاقتاپ قارسى الدى.
حالىقارالىق قازىلار القاسى سپورتشىنىڭ تەحنيكاسىنىڭ جوعارى دەڭگەيٸن عانا ەمەس, ورىنداۋشىلىق شەبەرلٸگٸ مەن كٶركەمدٸگٸن دە ەرەكشە اتاپ ٶتتٸ. ميحايل مۇز ٷستٸندە ٶزٸن سەنٸمدٸ ەرٸ بايسالدى كٶرسەتتٸ — كٷش پەن شەبەرلٸكتٸ ٷيلەستٸرە وتىرىپ, ەسەرلٸ جەنە ماعىنالى باعدارلاماسىن ورىندادى.
جارىسقا قۇرمەتتٸ قوناق رەتٸندە رەسەيدٸڭ اتاقتى باپكەرٸ, ەڭبەك سٸڭٸرگەن جاتتىقتىرۋشى تاتيانا تاراسوۆا قاتىستى. ول قاتىسۋشىلاردىڭ ٶنەرٸن مۇقييات باقىلاپ, ميحايل شايدوروۆتىڭ شەبەرلٸگٸنە جوعارى باعا بەردٸ.
— ميحايلدٸڭ سىرعاناۋى – تەحنيكا, ەموتسييا جەنە ورىنداۋشىلىق كەمەلدٸكتٸڭ ٷيلەسٸمٸ. مۇنداي دەڭگەي جاس سپورتشىلار اراسىندا سيرەك كەزدەسەدٸ, — دەدٸ ول.
ٶز كەزەگٸندە ميحايل جارىستان كەيٸن ەموتسيياسىن بٶلٸستٸ:
— بٸز دايىنداعاننىڭ بەرٸن كٶرسەتۋگە مٷمكٸندٸك العانىما قۋانىشتىمىن. باعدارلاما ٶتە كٷردەلٸ بولدى, ەر ەلەمەنت بار نازارىمدى قاجەت ەتتٸ. كٶرەرمەندەردٸڭ قولداۋى ماعان ٷلكەن كٷش بەردٸ. بۇل جارىس مەن ٷشٸن جاي عانا سايىس ەمەس, دەنيس تەننٸڭ رۋحىنا دەگەن قۇرمەت. ول بٸزدٸڭ بۋىندى شابىتتاندىرعان تۇلعا, — دەدٸ شايدوروۆ.
Denis Ten Memorial Challenge – حالىقارالىق كونكي وداعىنىڭ (ISU) Challenger Series قاتارىنا كٸرەتٸن بەدەلدٸ جارىس. تۋرنير قازاقستاندىق مەنەرلەپ سىرعاناۋشى, وليمپيادا جٷلدەگەرٸ دەنيس تەننٸڭ قۇرمەتٸنە اتالعان. بيىلعى ماۋسىمداعى باستى جارىستاردىڭ بٸرٸ سانالاتىن بۇل دودا 2026 جىلى ميلان–كورتينا-د’امپەتستسو قالالارىندا ٶتەتٸن وليمپيادا ويىندارىنا دايىندىق كەزەڭٸ بولدى.
فوتو: ۇيىمداستىرۋشىلاردان
دەنيس تەن مەموريالى گالا-شوۋمەن تٷيٸندەلدٸ
الماتىداعى Denis Ten Memorial Challenge 2025 تۋرنيرٸ مەنەرلەپ سىرعاناۋدان ەسەرلٸ گالا-شوۋمەن اياقتالدى. شاراعا دەنيس تەن اكادەميياسىنىڭ تەربيەلەنۋشٸلەرٸ – جاس ٶرەندەردەن باستاپ, قازٸرگٸ چەمپيوندارعا دەيٸن قاتىستى.
ساحنادا تۋرنير جەڭٸمپازدارى مەن جٷلدەگەرلەرٸ — ميحايل شايدوروۆ, نيكا ەگادزە, دجەيسون براۋن, حايەن لي, ديانا دەۆيس پەن گلەب سمولكين جۇبى ٶنەر كٶرسەتتٸ. سونىمەن قاتار, كەشتٸڭ قۇرمەتتٸ قوناقتارى, ەلەمگە ەيگٸلٸ مەنەرلەپ سىرعاناۋشىلار – ماكسيم ترانكوۆ پەن تاتيانا ۆولوسوجار دا مۇز ٷستٸنە شىقتى.
فوتو: ۇيىمداستىرۋشىلاردان
بۇل كەش ەر بۋىن سپورتشىلارىن بٸرٸكتٸرگەن ەرەكشە سەتكە اينالدى. گالا-شوۋ مەنەرلەپ سىرعاناۋداعى دەستٷر مەن جاڭاشىلدىقتىڭ ساباقتاستىعىن ايقىن كٶرسەتتٸ ەرٸ تۋرنيردٸڭ حالىقارالىق دەڭگەيدەگٸ ماڭىزىن تاعى دا دەلەلدەدٸ.
قورىتىندى شوۋ جارىستىڭ جارقىن نٷكتەسٸ بولدى. ول Denis Ten Memorial Challenge تۋرنيرٸنٸڭ مەنٸن – تەك سپورتتىق بەسەكە عانا ەمەس, سونىمەن قاتار بٷكٸل بٸر ۇرپاققا شابىت سىيلاعان دەنيس تەنگە دەگەن قۇرمەت پەن سپورت پەن ٶنەردٸڭ ورتاق مەرەكەسٸن ەسكە سالدى.
