Qazaqstandyq Mihail Kýkýshkin Maiami ATP 1000 týrniriniń ekinshi ainalymyna shyqty, dep habarlaidy "Ult aqparat".
Álemniń 105-raketkasy M.Kýkýshkin bastapqy kezdesýin dúniejúzilik reitingte 316-orynda turǵan ulybritaniialyq Djek Dreipermen ótkizdi.
Tartysty ótken birinshi partiiada qazaqstandyq tennisshi tarazy basyn ózine aýdara bildi - 7:5.
Budan keiin ulybritaniialyq sportshy 1 saǵat 15 minýtqa sozylǵan básekeni jalǵastyrýdan bas tartty.
M.Kýkýshkin jalpy júlde qory 3,64 mln AQSh dollaryna baǵalanǵan jarystyń ekinshi ainalymynda álemniń 27-raketkasy, reseilik Aslan Karatsevpen kúsh synasady. A.Karatsevtiń biylǵy qarqyny óte kúshti. Aýstraliia ashyq chempionatynyń jartylai finalyna deiin jetken ol jýyrda Dýbai týrniriniń jeńimpazy atandy. Sonyń nátijesinde reitingte 27-orynǵa kóterildi.
