SSSR-dyń tuńǵysh ári sońǵy prezidenti Mihail Gorbachev Resei men batys elderi arasynda «jańa qyrǵi qabaq soǵys» qaýpi baryn málimdedi. Bul týraly ol Germaniianyń Bild basylymyna suhbatynda aitqan.
Onyń aitýynsha, «qaharly sóileýdi jiiletken saiasatkerler men joǵarǵy shendi áskeriler sózderin» baspasóz quraldary da «qaǵyp alyp, otqa mai quiyp» otyr.
«Iri derjvalar arasyndaǵy qarym-qatynas nasharlaýy - álem soǵysqa daiyndalyp jatqandai áser qaldyrady. Qyrǵi-qabaq soǵys belgisi aiqyn bilinip otyr» degen ol.
Gorbachev "qazirgi kezde Resei men Batys arasynda qaitadan jappai qarýlaný bastalýy múmkin be" degen jýrnalistiń suraǵyna «kei aimaqtarda ol bastalyp ta ketti» dep jaýap bergen.
«Eýropaǵa ásker, olarmen birge tankiler men berendi mashinalar syndy aýyr tehnika da kelip jatyr. Osydan biraz ýaqyt buryn NATO men Resei áskeri bir-birinen aitarlyqtai alysta bolsa, qazir betpe-bet tur» degen Gorbachev.
Ol Batys elderin «demokratiiaǵa baratyn jol ortasyndaǵy, damýshy elder qataryndaǵy» Reseige degen «senimdi qalpyna keltirýge» shaqyrǵan.
