Qyzylorda oblysynda apatqa ushyraǵan tikushaqta Batys Qazaqstan oblysynyń týmasy kapitan Syrym Másálim de boldy.
29 jastaǵy áskeri qyzmetker Syrym aýdanynyń Araltóbe aýylynda týǵan. Aqtóbe áýe qorǵanys kúshteri áskeri insitýtynyń túlegi. Marqumnyń artynda jary men 3 jasar uly qaldy.
Syrym otbasyndaǵy kenje ul. Eki ápkesi men aǵasy bar, dep habarlady Habar 24.
Ata-anasy qazir Oral qalasynda turady. Ákesi Málkei ulymen sońǵy ret keshe kúndiz telefon arqyly sóileskenin aitady.
"Balam joq degenge áli senbei turmyn, degenmen, qazir ǵana Qarýly Kúshter departamentinen kelip ketti, 13 adam qaitys boldy, sonyń ishinde sizdiń de balańyz bar dep aitty. Balam mektep bitirgen soń ózi armandaǵan Talǵat Bigeldinov atyndaǵy áskeri aviatsiia institýtyna túsken edi. 2007-2011 jyldary bilim alyp, Aqtaýǵa jiberildi", - deidi S.Másálimniń ákesi Málkei Imanǵaliev
