Tolyǵyraq: https://egemen.kz/article/160762-meyrambek-bespaev-egemen-qazaqstan-gazetinde-zhariyalanghan-qali-sarsenbaydynh-khatyna-zhauap-berdi
Materialdy kóshirip basqanda Egemen.kz saityna gipersilteme mindetti túrde qoiylýy tiis. Avtorlyq quqyqty saqtańyz!
Meirambek Bespaev Qali Sársenbaidyń hatyna jaýap berdi Jýyrda «Egemen Qazaqstan» gazetinde Qazaqstannyń eńbek sińirgen qairatkeri, jazýshy Qali Sársenbaidyń Meirambek Bespaevqa arnalǵan «Rýǵa emes – rýhqa, aǵaǵa emes, Alashqa qyzmet etetin kezderiń» atty haty jaryq kórgen bolatyn. Ánshi Meirambek Besbaev «Habar» arnasynyń «Tikelei efir» baǵdarlamasyna qatysyp, óner men mádeniet salasyndaǵy búgingi qoǵamdyq sana men tanym týraly áńgimelei kele, sóz arasynda Qali Sársenbaidyń hatyna da jaýap berdi.
Meirambek Besbaev jazýshynyń qazirgi qazaq óneriniń dástúrli rýhani qundylyqtarmen sabaqtastyǵyn jete zerdeleýge qatysty qundy oilarynyń oryndy ekenin atap ótti.
«Shynymdy aitsam, sondai úlken kisiler bizderdi oqidy dep oilamappyn. Oiymyzdy qadaǵalaǵany úshin alǵys aitamyn ári «qyzym saǵan aitamyn, kelinim sen tyńda» degendei biraz nazyn aitqan eken. Jalpy maǵan emes, birtalai óner adamdaryna kerekti kóp áńgimeler jazypty. Jastardy qansha synai bergenmen, olardyń ishinde de aqyldylary, estileri bar. Qudai qalasa hatqa keńinen jaýap berýge tyrysamyn. Qazir kontsertke daiyndyq ústindemin. Kontsertten keiin asyqpai, múmkin aǵamyzben birge otyryp, ózine tikelei jaýap beretin shyǵarmyn», dedi ánshi.
Sonymen birge, ol rýhani-estetikalyq talǵam men ulttyq mentalitetimizdi saqtai otyryp mádeniettiń jandanýy úshin atsalysýǵa bilik basyndaǵy ónerge jany jaqyn adamdar qolǵa alýy tiis ekendigin jetkizdi.
«Birneshe jyl buryn talai-talai ózara jinalystar jasaǵanbyz. Onyń ishinde kóptegen óner adamdary boldy. Ánshiler, aǵa býyn ókilderi. Basynda kelisip alamyz da, aiaǵynda aiaqsyz qalyp ketedi. Nege deseńiz, bizde báribir bilik bolmaǵannan keiin jinalyp alyp, mynaý ótsin, mynaý ótpesin dep esh jerde aita almaimyz. Sondyqtan efirge árkim shyǵýǵa quqyly. Sonymen bul másele sol kúii qalyp qoiǵan edi. Endi keleshekte shynymen jany ashityn bilik basyndaǵy, mádeniette, ónerge jaqyn adamdar osyny qolǵa alady dep oilaimyn», – dedi Meirambek Besbaev.
