.jpeg)
QR Prezidenttigine Kandidat Meiram Qajyken Shymkenttegi Ońtústik Qazaqstan memlekettik pedagogikalyq ýniversitetinde boldy. Munda ol JOO stýdentterimen jáne oqytýshylarymen kezdesý ótkizdi, dep habarlaidy kandidattyń baspasóz qyzmeti.
Bilim alýshylar kandidatqa shynaiy qyzyǵýshylyq tanytyp, suraqtar qoiyp, belsendilik tanytty. Olar bilim berý, mádenietti damytý, saiasat pen qatar ekonomika men ulttyq qaýipsizdik taqyryptaryn da kóterdi.
Qajyken ońtústik oblystardyń áleýmettik-ekonomikalyq damýy úshin, sondai-aq eldiń qorǵanys qabiletin arttyrý úshin áskeri jáne azamattyq tehnika óndirisi jolǵa qoiylǵan qýatty áskeri-ónerkásiptik keshen qurý qajet ekenin atap ótti.
"Taraz ben Shymkent arasynda Túlkibas kenti bar. Onda siz úlken tehnologiialyq klaster jasai alasyz. Biz qazir halyqaralyq jaǵdaidyń qandai ekenin kóremiz: Resei men Ýkraina arasyndaǵy soǵys, ońtústiktegi kórshiler bári tynysh emes. Biz óz tynyshtyǵymyzdy qorǵai bilýimiz kerek. Qarýymyzdy jasaityn ýaqyty keldi. Muny Túlkibasta jasaýǵa bolady. Ol úshin óndiris damýy kerek. Taraz ben Shymkentte himiialyq, temirbeton jáne metall ónimderin óndiretin kásiporyndar bar. Klasterdiń arqasynda jumys oryndary tabylady. Eger siz jaqsy zamanaýi klasterdi asha alsańyz, onda qarý-jaraq zamanaýi bolady. Meiń oiymsha – bolashaqta osyndai óndiristi qurý kerek", - dedi kandidat.
Meiram Qajykenniń aitýynsha, bul klasterde himiia, biologiia, fizika, injeneriia pánderin oqityn stýdentter jumys istei alar edi. Óitkeni bul baǵyttardyń barlyǵy ónerkásiptik-tehnologiialyq klasterdiń ashylýy men jumys isteýi úshin qajet.
Úmitker jiynda jas urpaqqa, olardyń kúshine jáne qalyptasqan álemdi ózgertýge degen senimin bildirdi.
"Jastar barlyq ýaqytta eresekterden erekshelendi. Siz bizden ózgeshesiz. Sizde ashyq kózqaras bar, sizde qorqynysh joq. Bul joldan taimańyz. Álemge ashyq bolyńyz, jasyrynbańyz. Bolashaqta siz de jastardy oqytyp, olarǵa bilim men tájiribe beresiz", - dep qosty ol.
Úmitker óziniń saiasi baǵdarlamasynda jastarǵa úlken basymdyq jasaidy. Onyń aitýynsha, qazir jastar úshin qoǵamnyń barlyq salalarynda qajetti jaǵdailar jasaý qajet.
"Men Prezident bolǵan kezdegi mindetim - sizderge esik ashý, múmkindikter berý. Jastardy aldaý múmkin emes, Men oǵan stýdenttermen kezdesken saiyn kkózim jetedi. Sondyqtan men olarǵa shyndyqty aitamyn", - dedi Qajyken.
Ol sondai-aq turǵyn úimen qamtamasyz etý, jalaqyny, zeinetaqyny, áleýmettik tólemderdi arttyrý, meditsina sapasyn jaqsartý máselelerin de ainalyp ótpedi.
Al, stýdentter úmitkerden prezidenttiktiń birinshi kúninde ne istegisi keletinin surady.
"Árine, men kásipodaq máselelerin sheshemin. Olar meni alǵa tartty, men olardyń senimin aqtaýym kerek. Bul turǵyda meniń mindetim – barlyq taraptardyń-eńbekshilerdiń, jumys berýshilerdiń jáne memlekettiń múddelerin saqtai otyryp, teń quqyqtarmen áleýmettik áriptestik institýtyn qurý", - dedi Meiram Qajyken.
Aita keteiik, Ońtústik Qazaqstan memlekettik pedagogikalyq ýniversiteti 1937 jyly qurylǵan. JOO-da 6 fakýltet, joǵary oqý ornynan keiingi bilim berý institýty, sondai-aq kásipodaq jumys isteidi.
