QR Prezidenttigine kandidat Meiram Qajyken Qaskeleń qalasynda bilim berý kásipodaqtarynyń múshelerimen-muǵalimdermen kezdesti, dep habarlaidy "Ult aqparat" kandidat shtabynyń baspasóz qyzmetine silteme jasap.
Úmitker olarǵa ózi týraly jáne sailaýaldy baǵdarlamasy týraly aitty. Balalardy tárbieleý men bolmysyn qalyptastyrýdaǵy pedagogtardyń joǵary mártebesin atap ótti. Sonymen qatar, úmitkerdiń muǵalimderge júkteme jyl saiyn artyp keletinin, al jalaqy sol qalpy óspeitinin aitty.
«Muǵalimniń jumysyn qiyn eńbek jaǵdailaryna bailanysty jumyspen salystyrýǵa bolady. Muǵalimder joǵary psihoemotsionaldy júktemeni sezinedi, keshke úide jumys isteidi. Bul óte qiyn. Óz baǵdarlamamda ziiandy jáne qiyn eńbek jaǵdailarynda jumys isteitin adamdar úshin erte zeinetke shyǵýdy qaitarý qajettigin kórsetemin», - dedi Qajyken. Muny pedagogtar qoldady.
Kásipodaqtar ETJ esepteý ádistemesin ázirlep, ony Eńbek jáne áleýmettik qorǵaý ministrligine usyndy. Bul óte qarapaiym, túsinikti jáne tiimdi, - deidi kandidat.
Onyń aitýynsha, búgingi tańda bizdiń elimizde eń tómengi jalaqy kórsetkishi (ETJ) júieli eseptelmeidi, ony basqa bazalyq mólsherlemeler siiaqty belgili bir kezeńge arnalǵan respýblikalyq biýdjet týraly zańmen bekitedi. Jumys berýshi óz kezeginde osy kórsetkishke súiene otyryp, qyzmetkerlerdiń jalaqysyn belgileidi.
«Bizdiń ádistememizge sáikes ETJ 60 myń teńgeden bastalyp (kelesi jyly ol 70 myń teńgege deiin ulǵaitylady), eń keminde 150 myń teńge deiin bolýy tiis. Bul jumysshylardyń jalaqysyn arttyrýǵa múmkindik beredi. Býhgalterler jalaqyny anyqtaý úshin túsiniksiz formýlany qoldanady. Eńbek ministrligi kásipodaq ádistemesin negizge ala alady. Ministr Dúisenova kóptegen jyldar boiy óz qyzmetin atqaryp keledi jáne áli kúnge deiin bul máseleni ETJ jáne basqa da stavkalardyń óspei turýyn sheshe almai jatyr. Bul kúrdeli másele emes. Nelikten ol kásipodaqtar usynǵan ETJ esepteý ádistemesine senbeidi? Nelikten ol ony paidalanbaidy? Bul úlken suraq. Nemese ol óz pozitsiiasyn bosatsyn. Óitkeni Eńbek jáne áleýmettik qorǵaý ministrligi Respýblikalyq mańyzy bar úlken júie», - dedi Meiram Qajyken.
Bul máseleni kásipodaqtar birneshe ret kóterdi, bul qazirdiń ózinde jumys isteitinder úshin de, jas urpaq úshin de mańyzdy. Úmitkerdiń aitýynsha, jastarda «jaqsy jalaqy alý úshin qandai mamandyq tańdaý kerek» degen oi bolmaýy kerek.
«Men óz baǵdarlamamda jastarǵa kóp kóńil bólemin, bul bizdiń bolashaǵymyz. Olar eldi quryp, damytady. Biz olarǵa óz kásibiligin arttyryp, Qazaqstandy odan ári kórkeitýi úshin qolaily jaǵdai jasaýymyz kerek. Jastarǵa jol ashý kerek. Men bul laýazymdy 7 jyl boiy atqarmaimyn. Úsh-tórt jyl jetkilikti. Men sońǵy aqsaqal Prezident bolamyn. Sodan keiin jastarǵa prezidenttikti berý kerek», - dedi kandidat.
