Almaty qalalyq qylmystyq ister jónindegi sot alqasy «Mudarabah Capital» qarjylyq piramidasyna qatysy bar degen kúdikke ilingen vainerler Meiirjan Tórebaev pen Meiirhan Sherniiazovty on táýlikke qamaýǵa alý túrindegi bultartpaý sharasyn ózgerissiz qaldyrdy, dep habarlaidy QazAqparat.
«Almaty qalasynyń qylmystyq ister jónindegi sot alqasynyń qaýlysymen budan buryn Almaty qalasynyń tergeý sotynyń qaýlysymen shyǵarylǵan Meiirjan Tórebaev pen Meiirhan Sherniiazovqa qatysty on táýlik merzimge qamaýǵa alý túrindegi bultartpaý sharasy sanktsiialandy. Atalmysh sottyń qaýlysy ózgerissiz qaldyryldy. Atalǵan iske qatysty ózge de aqparatty QR Qylmystyq protsessýaldyq kodeksiniń 201-babyna sai tergeý oryndarynan bilýge bolady», - dedi Almaty qalalyq soty baspasóz qyzmetiniń ókili Abai Jarylqasyn.
Aita ketsek, sot aktisine qatysty kúdiktilerdiń ókilderi apelliatsiialyq shaǵym túsirgen bolatyn.
19 sáýir kúni Almatyda «Mudaraban Capital» qarjy piramidasynyń tórt uiymdastyrýshysy qamaýǵa alynǵany týraly jazǵan bolatynbyz.
Keiin tanymal vainerler Meiirjan Tórebaev pen Meiirhan Sherniiazov 10 táýlikke qamaýǵa alyndy.
