الماتى قالالىق قىلمىستىق ٸستەر جٶنٸندەگٸ سوت القاسى «Mudarabah Capital» قارجىلىق پيراميداسىنا قاتىسى بار دەگەن كٷدٸككە ٸلٸنگەن ۆاينەرلەر مەيٸرجان تٶرەباەۆ پەن مەيٸرحان شەرنييازوۆتى ون تەۋلٸككە قاماۋعا الۋ تٷرٸندەگٸ بۇلتارتپاۋ شاراسىن ٶزگەرٸسسٸز قالدىردى, دەپ حابارلايدى قازاقپارات.
«الماتى قالاسىنىڭ قىلمىستىق ٸستەر جٶنٸندەگٸ سوت القاسىنىڭ قاۋلىسىمەن بۇدان بۇرىن الماتى قالاسىنىڭ تەرگەۋ سوتىنىڭ قاۋلىسىمەن شىعارىلعان مەيٸرجان تٶرەباەۆ پەن مەيٸرحان شەرنييازوۆقا قاتىستى ون تەۋلٸك مەرزٸمگە قاماۋعا الۋ تٷرٸندەگٸ بۇلتارتپاۋ شاراسى سانكتسييالاندى. اتالمىش سوتتىڭ قاۋلىسى ٶزگەرٸسسٸز قالدىرىلدى. اتالعان ٸسكە قاتىستى ٶزگە دە اقپاراتتى قر قىلمىستىق پروتسەسسۋالدىق كودەكسٸنٸڭ 201-بابىنا ساي تەرگەۋ ورىندارىنان بٸلۋگە بولادى», - دەدٸ الماتى قالالىق سوتى باسپاسٶز قىزمەتٸنٸڭ ٶكٸلٸ اباي جارىلقاسىن.
ايتا كەتسەك, سوت اكتٸسٸنە قاتىستى كٷدٸكتٸلەردٸڭ ٶكٸلدەرٸ اپەللياتسييالىق شاعىم تٷسٸرگەن بولاتىن.
19 سەۋٸر كٷنٸ الماتىدا «Mudaraban Capital» قارجى پيراميداسىنىڭ تٶرت ۇيىمداستىرۋشىسى قاماۋعا الىنعانى تۋرالى جازعان بولاتىنبىز.
كەيٸن تانىمال ۆاينەرلەر مەيٸرجان تٶرەباەۆ پەن مەيٸرحان شەرنييازوۆ 10 تەۋلٸككە قاماۋعا الىندى.
