Foto: Kazakhcinema.kz
Ulttyq balalardy ońaltý ortalyǵynda «Úmit árdaiym janymyzda» atty qysqametrajdy animatsiialyq filmniń kórsetilimi ótti. Atalǵan film erekshe qajettilikteri bar balalardyń ómiri men armanyn beineleitin áleýmettik mańyzy bar joba retinde baǵalanyp otyr, dep habarlaidy Ult.kz.
«Úmit árdaiym janymyzda» filmi – 2023 jylǵy pitching jeńimpazdarynyń biri. Stsenarii avtory – 19 jastaǵy startaper, volonter, áleýmettik bastamalardyń jetekshisi Diana Murzaǵalieva. Diana filmniń stsenariiin óziniń avtorlyq jáne beiimdelgen «Jaqyn jerde ǵajaiyp» ertegisi negizinde jazǵan. Diananyń balalyq shaǵynda sóileýi kesheýildep, ońaltý ortalyqtary men uzaq emdeý protsesinen ótken. Alaida onyń talpynysy men qoǵamdaǵy belsendiligi talai qiynshylyqty jeńdi. Ol áleýmettik bastamalary men qoǵamǵa qosqan erekshe úlesi úshin «Ýels hanshaiymy Diananyń» syilyǵyn jeńip aldy.
Filmge rejisserlik etken – Qýanysh Naǵyz. Ol – «Úsh syi», «Meniń atym Qozy», «Transformer tulparlar», «Baqashabaq», «Qojanasyr men urylar» siiaqty birqatar animatsiialyq jobalardy júzege asyrǵan tájiribeli maman.
Ulttyq kino ortalyǵynyń Basqarma tóraǵasy Qurmanbek Jumaǵalidiń aitýynsha, balalar kontentin damytý – memleket úshin asa mańyzdy baǵyttardyń biri. Mundai jobalar tek óner týyndysy emes, bolashaq urpaqtyń dúnietanymyn qalyptastyratyn tárbielik qural. Bul film balalarǵa úmit syilap, qoǵamdy meiirimdilikke úndeidi. Memleket bul baǵyttaǵy jobalardy qoldaýdy toqtatpaitynyn atap ótti ol.
