فوتو: Kazakhcinema.kz
ۇلتتىق بالالاردى وڭالتۋ ورتالىعىندا «ٷمٸت ەردايىم جانىمىزدا» اتتى قىسقامەتراجدى انيماتسييالىق فيلمنٸڭ كٶرسەتٸلٸمٸ ٶتتٸ. اتالعان فيلم ەرەكشە قاجەتتٸلٸكتەرٸ بار بالالاردىڭ ٶمٸرٸ مەن ارمانىن بەينەلەيتٸن ەلەۋمەتتٸك ماڭىزى بار جوبا رەتٸندە باعالانىپ وتىر, دەپ حابارلايدى Ult.kz.
«ٷمٸت ەردايىم جانىمىزدا» فيلمٸ – 2023 جىلعى پيتچينگ جەڭٸمپازدارىنىڭ بٸرٸ. ستسەناريي اۆتورى – 19 جاستاعى ستارتاپەر, ۆولونتەر, ەلەۋمەتتٸك باستامالاردىڭ جەتەكشٸسٸ ديانا مۇرزاعاليەۆا. ديانا فيلمنٸڭ ستسەنارييٸن ٶزٸنٸڭ اۆتورلىق جەنە بەيٸمدەلگەن «جاقىن جەردە عاجايىپ» ەرتەگٸسٸ نەگٸزٸندە جازعان. ديانانىڭ بالالىق شاعىندا سٶيلەۋٸ كەشەۋٸلدەپ, وڭالتۋ ورتالىقتارى مەن ۇزاق ەمدەۋ پروتسەسٸنەن ٶتكەن. الايدا ونىڭ تالپىنىسى مەن قوعامداعى بەلسەندٸلٸگٸ تالاي قيىنشىلىقتى جەڭدٸ. ول ەلەۋمەتتٸك باستامالارى مەن قوعامعا قوسقان ەرەكشە ٷلەسٸ ٷشٸن «ۋەلس حانشايىمى ديانانىڭ» سىيلىعىن جەڭٸپ الدى.
فيلمگە رەجيسسەرلٸك ەتكەن – قۋانىش ناعىز. ول – «ٷش سىي», «مەنٸڭ اتىم قوزى», «ترانسفورمەر تۇلپارلار», «باقاشاباق», «قوجاناسىر مەن ۇرىلار» سيياقتى بٸرقاتار انيماتسييالىق جوبالاردى جٷزەگە اسىرعان تەجٸريبەلٸ مامان.
ۇلتتىق كينو ورتالىعىنىڭ باسقارما تٶراعاسى قۇرمانبەك جۇماعاليدٸڭ ايتۋىنشا, بالالار كونتەنتٸن دامىتۋ – مەملەكەت ٷشٸن اسا ماڭىزدى باعىتتاردىڭ بٸرٸ. مۇنداي جوبالار تەك ٶنەر تۋىندىسى ەمەس, بولاشاق ۇرپاقتىڭ دٷنيەتانىمىن قالىپتاستىراتىن تەربيەلٸك قۇرال. بۇل فيلم بالالارعا ٷمٸت سىيلاپ, قوعامدى مەيٸرٸمدٸلٸككە ٷندەيدٸ. مەملەكەت بۇل باعىتتاعى جوبالاردى قولداۋدى توقتاتپايتىنىن اتاپ ٶتتٸ ول.
