QR Densaýlyq saqtaý ministri Eljan Birtanov meditsina salasyndaǵy jalaqysy tómen qyzmetkerlerdiń ailyǵyn 30 protsentke kóterýge qatysty esep-qisapty jariialady, dep xabarlaidy QazAqparat tilshisi.
Ministrdiń aitýynsha, aǵymdaǵy jyly 1 shildeden bastap jalaqysy tómen barlyq medbikeler jáne kishi meditsinalyq personaldyń jalaqysy 30 protsentke ósedi. "Mysaly, meiirbikeniń ortasha jalaqysy 76 myńnan 100 myńǵa deiin kóteriledi. Al kishi meditsinalyq personaldyń ailyǵy 48 myńnan 64 myńǵa artady. Oǵan qosa, joǵary suranysqa ie mamandyqtar boiynsha dárigerlerdiń jalaqysy da ulǵaiatyn bolady. Jalpy, 225 myńnan astam meditsina qyzmetkerleriniń jalaqysy ósedi. Osyǵan orai, 2019 jyly respýblikalyq biýdjetten 37,6 milliard teńge, al 2020 jyldan bastap 78,7 milliard teńge bólinedi", - dedi E.Birtanov Úkimettiń búgingi otyrysynda.
Aita keteiik, keshe "Nur Otan" partiiasynyń XVIII sezinde QR Prezidenti Nursultan Nazarbaev tómen jalaqy alatyn biýdjettik sala qyzmetkerleriniń ailyǵyn 30 protsentke kóterýdi tapsyrdy. Budan bólek, ákimdik qyzmetkerleriniń jalaqysy 25 protsentke kóteriledi. Osy maqsatta 1 trillionǵa jýyq qarjy bólinedi.
