قر دەنساۋلىق ساقتاۋ مينيسترٸ ەلجان بٸرتانوۆ مەديتسينا سالاسىنداعى جالاقىسى تٶمەن قىزمەتكەرلەردٸڭ ايلىعىن 30 پروتسەنتكە كٶتەرۋگە قاتىستى ەسەپ-قيساپتى جارييالادى, دەپ xابارلايدى قازاقپارات تٸلشٸسٸ.
مينيستردٸڭ ايتۋىنشا, اعىمداعى جىلى 1 شٸلدەدەن باستاپ جالاقىسى تٶمەن بارلىق مەدبيكەلەر جەنە كٸشٸ مەديتسينالىق پەرسونالدىڭ جالاقىسى 30 پروتسەنتكە ٶسەدٸ. "مىسالى, مەيٸربيكەنٸڭ ورتاشا جالاقىسى 76 مىڭنان 100 مىڭعا دەيٸن كٶتەرٸلەدٸ. ال كٸشٸ مەديتسينالىق پەرسونالدىڭ ايلىعى 48 مىڭنان 64 مىڭعا ارتادى. وعان قوسا, جوعارى سۇرانىسقا يە ماماندىقتار بويىنشا دەرٸگەرلەردٸڭ جالاقىسى دا ۇلعاياتىن بولادى. جالپى, 225 مىڭنان استام مەديتسينا قىزمەتكەرلەرٸنٸڭ جالاقىسى ٶسەدٸ. وسىعان وراي, 2019 جىلى رەسپۋبليكالىق بيۋدجەتتەن 37,6 ميلليارد تەڭگە, ال 2020 جىلدان باستاپ 78,7 ميلليارد تەڭگە بٶلٸنەدٸ", - دەدٸ ە.بٸرتانوۆ ٷكٸمەتتٸڭ بٷگٸنگٸ وتىرىسىندا.
ايتا كەتەيٸك, كەشە "نۇر وتان" پارتيياسىنىڭ XVIII سەزٸندە قر پرەزيدەنتٸ نۇرسۇلتان نازارباەۆ تٶمەن جالاقى الاتىن بيۋدجەتتٸك سالا قىزمەتكەرلەرٸنٸڭ ايلىعىن 30 پروتسەنتكە كٶتەرۋدٸ تاپسىردى. بۇدان بٶلەك, ەكٸمدٸك قىزمەتكەرلەرٸنٸڭ جالاقىسى 25 پروتسەنتكە كٶتەرٸلەدٸ. وسى ماقساتتا 1 تريلليونعا جۋىق قارجى بٶلٸنەدٸ.
