Búgin Qyzylorda oblystyq Qazaqstan halqy assambleiasynyń uiymdastyrýymen alǵashqy ret «Nurly júrek» atty I oblystyq qaiyrymdylyq jasaýshylar men metsenattardyń forýmy ótti.
Elbasynyń kótergen rýhani jańǵyrý týraly ideialary qazirgi qoǵamdyq sanada jyly qabyldanyp, barlyq azamattardy jańa ideianyń aiasynda biriktiretin, elimizdi ortaq muratqa uiystyratyn tujyrym bolyp otyr. Memleket basshysy usynǵan áleýmettik-ideologiialyq jobalardyń biri «Týǵan jer» baǵdarlamasy. Osy baǵdarlama aiasynda elimizdegi barlyq qaiyrymdylyq is-sharalarynyń úilestirýshisi QHA týǵan jerine, ósip-óngen ólkesine kómek jasaýǵa talpynǵan azamattardy qoldaý jáne yntalandyrý baǵytynda igilikti ister atqaryp keledi. Mańyzy joǵary sharaǵa oblystaǵy qaiyrymdylyq jasaýshylar men metsenattar, oblystyq QHA qurylymdary, etnomádeni birlestikterdiń jetekshileri men belsendi músheleri, jas kásipkerler, basqarma qyzmetkerleri, qalalyq jáne aýdandyq kásipkerler jáne úkimettik emes uiymdar men BAQ ókilderi qatysty.
Forýmnyń maqsaty – Syr óńirindegi qaiyrymdylyq jasaýshy metsenattar men kásipkerlerdi qoldaý, qaiyrymdylyqtyń jaǵymdy beinesin qalyptastyrý arqyly qaiyrymdylyqtyń damýyna jańa ekpin berý, qaiyrymdylyqpen ainalysatyn barlyq uiymdar men azamattardyń birlesýine járdemdesý bolyp tabylady.
«Nurly júrek» atty I oblystyq qaiyrymdylyq jasaýshylar men metsenattardyń forýmynyń alǵy sózin oblys ákiminiń orynbasary Rýslan Rústemov aldy. Sóz ala otyryp, ózgelerge úlgi bolardai jany jomart 12 qaiyrymdylyq jasaýshy men metsenatty marapattady.
«Búginde oblys kóleminde júregi jomart jandardyń qoldaýymen 732 qaiyrymdylyq sharalary uiymdastyrylyp, 227,2 mln. teńgeniń kómegi kórsetildi. Uly Jeńis merekesine orai, 51 UOS-nyń ardagerleri men 5855 tyl eńbekkerlerine 408,4 mln. teńgege biýdjetten birjolǵy materialdyq jáne áleýmettik kómek berildi.
Oblystyq Qazaqstan halqy assambleiasynyń bastamasymen qaiyrymdylyq jasaýshy kásipkerler men metsenattardyń derekter qory jasaqtaldy. Sonymen qatar, áleýmettik kómekti qajet etýshi turǵyndardyń da tizimi qalyptastyryldy. Qaiyrymdylyq kómegin qajet etetin árbir azamat nazardan tys qalmaidy. «Qaiyrymdylyq jasasań, qaiyryn óziń kóresiń», - degen danyshpan halqymyz.
Ataqty orys jazýshysy Lev Tolstoidyń «Meiirimdilik álemdi qutqarady» degen ulaǵatty sózi bar. Jáne ol búginde óziniń ózektiligin bir sátke de joiǵan emes. Qai qoǵamnyń bolmasyn, óziniń meiirimge muqtaj toby bolatyny aqiqat. Al, kisige qaiyrym jasaýdy ózine murat etken jandar qai qoǵamda da bar. Olar búginde bizdiń janymyzda júr. Ásirese, táýelsizdigimizdi ornyqtyryp, erteńgi bolashaqqa senimmen qarai bastaǵan búgingi kúni urpaqqa úlgi bolar ultjandy azamattardyń boi kórsetýi tań qaldyrmaý kerek. Sebebi qaiyrymdylyq — adamnyń asyl qasietteriniń biri. Jany jomart, qoly ashyq, tula boiy izgilikke toly azamattardy dáripteý, elge úlgi etip kórsetý bizdiń paryzymyz»,- dedi oblys ákiminiń orynbasary R.Rústemuly.
Atalmysh forým qoǵamda áleýmettik jaǵdaiy az qamtamasyz etilgen azamattarǵa qoldaý kórsetý, ortaq maqsatqa toptastyrýdy úndeidi. Forým aiasynda sóz sóileý qurmeti muqtajdarǵa meiirimdilik tanytyp, qaiyrymdy baǵytta qarymdy jumystar atqaryp júrgen «Nurai» JShS direktory, jany jomart, isi márt abzal azamat Seiitqali Alshynbaev pen «El Arai» qoǵamdyq qorynyń direktory Ashat Baidaýletovqa berildi. Sondai-aq, jomart jandarǵa izgi lebizin bildirý úshin qaiyrymdylyqtyń qoldaýyn sezinip, ústimizdegi jyldyń mamyr aiynda páterli bolǵan Nazerke Kadirova sóz sóilep, rizashylyǵyn jetkizdi.
Óz kezeginde, kásipker metsenattardyń atynan Maiia Narimova úndeý oqydy. Forým sońy kontserttik baǵdarlamaǵa ulasty.
.jpeg)