Argentina quramasynyń jáne Frantsiianyń «PSJ» klýbynyń fýtbolshysy Lionel Messi jetinshi ret «Altyn dop» iegeri atandy, dep habarlaidy "Ult aqparat".
Atalǵan marapatty frantsiialyq «France Football» jýrnaly 1956 jyldan beri turaqty túrde tabystap keledi.
Biyl jyldyń úzdik oiynshysy ataǵynan úmitkerler qatarynda 30 fýtbolshynyń esimi ataldy.
Olar: Nikolo Barella («Inter»), Karim Benzema («Real»), Leonardo Bonýchchi («Iýventýs»), Kevin de Brioine («Manchester Siti»), Djordjo Kellini («Iýventýs»), Krishtianý Ronaldý («Manchester Iýnaited»), Rýben Diash («Manchester Siti»), Djanlýidji Donnarýmma («PSJ»), Brýný Fernandesh («Manchester Iýnaited»), Fil Foden («Manchester Siti»), Erling Holand («Borýssiia» D), Jorjino («Chelsi»), Garri Kein («Tottenhem Hotspýr»), N’Golo Kante («Chelsi»), Simon Ker («Milan»), Sesar Aspilikýeta («Chelsi»), Robert Levandovski («Bavariia), Romelý Lýkaký («Chelsi»), Riiad Marez («Manchester Siti»), Laýtaro Martines («Inter»), Kilian Mbappe («PSJ»), Lýka Modrich («Real»), Jerar Moreno («Viliarreal»), Meison Maýnt («Chelsi»), Neimar («PSJ»), Pedri («Barselona»), Mohamed Salah («Liverpýl»), Rahim Sterling («Manchester Siti»), Lýis Sýares («Atletiko»).
Sondai-aq búgingi shara barysynda «Barselona» havbegi Pedro úzdik jas oiynshy syilyǵyn ielendi. Jyldyń úzdik shabýylshysy ataǵyna Polsha ulttyq quramasy hám «Bavariia» klýbynyń shabýylshysy Robert Levandovski laiyq dep tanyldy. Al «Barselona» sapynda oinaityn ispaniialyq Aleksiia Pýtelias áielder arasyndaǵy Jyl fýtbolshysy atandy. «Jyldyń úzdik qaqpashysyna» arnalǵan Lev Iashin syilyǵy PSJ-lyq Djanlýidji Donnarýmmǵa buiyrdy.
Aita keteiik, Messi 2021 jyly Argentina quramasymen birge Amerika Kýbogynyń jeńimpazy atandy. Jańa maýsym bastalǵaly PSJ quramynda oinaityn forvard karerasynyń úlken bóligin "Barselona" quramynda ótkizdi. Kataloniialyqtarmen birge ol Chempiondar Ligasyn tórt ret jeńip, on ret Ispaniia chempiony atanǵan. Ótken maýsymda Lionel 50 match ótkizip, 40 gol soqty.
