ارگەنتينا قۇراماسىنىڭ جەنە فرانتسييانىڭ «پسج» كلۋبىنىڭ فۋتبولشىسى ليونەل مەسسي جەتٸنشٸ رەت «التىن دوپ» يەگەرٸ اتاندى, دەپ حابارلايدى "ۇلت اقپارات".
اتالعان ماراپاتتى فرانتسييالىق «France Football» جۋرنالى 1956 جىلدان بەرٸ تۇراقتى تٷردە تابىستاپ كەلەدٸ.
بيىل جىلدىڭ ٷزدٸك ويىنشىسى اتاعىنان ٷمٸتكەرلەر قاتارىندا 30 فۋتبولشىنىڭ ەسٸمٸ اتالدى.
ولار: نيكولو بارەللا («ينتەر»), كاريم بەنزەما («رەال»), لەوناردو بونۋچچي («يۋۆەنتۋس»), كەۆين دە بريوينە («مانچەستەر سيتي»), دجوردجو كەلليني («يۋۆەنتۋس»), كريشتيانۋ رونالدۋ («مانچەستەر يۋنايتەد»), رۋبەن دياش («مانچەستەر سيتي»), دجانلۋيدجي دوننارۋمما («پسج»), برۋنۋ فەرناندەش («مانچەستەر يۋنايتەد»), فيل فودەن («مانچەستەر سيتي»), ەرلينگ حولاند («بورۋسسييا» د), جورجينو («چەلسي»), گارري كەين («توتتەنحەم حوتسپۋر»), ن’گولو كانتە («چەلسي»), سيمون كەر («ميلان»), سەسار اسپيليكۋەتا («چەلسي»), روبەرت لەۆاندوۆسكي («باۆارييا), رومەلۋ لۋكاكۋ («چەلسي»), ريياد مارەز («مانچەستەر سيتي»), لاۋتارو مارتينەس («ينتەر»), كيليان مباپپە («پسج»), لۋكا مودريچ («رەال»), جەرار مورەنو («ۆيلياررەال»), مەيسون ماۋنت («چەلسي»), نەيمار («پسج»), پەدري («بارسەلونا»), موحامەد سالاح («ليۆەرپۋل»), راحيم ستەرلينگ («مانچەستەر سيتي»), لۋيس سۋارەس («اتلەتيكو»).
سونداي-اق بٷگٸنگٸ شارا بارىسىندا «بارسەلونا» حاۆبەگٸ پەدرو ٷزدٸك جاس ويىنشى سىيلىعىن يەلەندٸ. جىلدىڭ ٷزدٸك شابۋىلشىسى اتاعىنا پولشا ۇلتتىق قۇراماسى ھەم «باۆارييا» كلۋبىنىڭ شابۋىلشىسى روبەرت لەۆاندوۆسكي لايىق دەپ تانىلدى. ال «بارسەلونا» ساپىندا وينايتىن يسپانييالىق الەكسييا پۋتەلياس ەيەلدەر اراسىنداعى جىل فۋتبولشىسى اتاندى. «جىلدىڭ ٷزدٸك قاقپاشىسىنا» ارنالعان لەۆ ياشين سىيلىعى پسج-لىق دجانلۋيدجي دوننارۋممعا بۇيىردى.
ايتا كەتەيٸك, مەسسي 2021 جىلى ارگەنتينا قۇراماسىمەن بٸرگە امەريكا كۋبوگىنىڭ جەڭٸمپازى اتاندى. جاڭا ماۋسىم باستالعالى پسج قۇرامىندا وينايتىن فورۆارد كارەراسىنىڭ ٷلكەن بٶلٸگٸن "بارسەلونا" قۇرامىندا ٶتكٸزدٸ. كاتالونييالىقتارمەن بٸرگە ول چەمپيوندار ليگاسىن تٶرت رەت جەڭٸپ, ون رەت يسپانييا چەمپيونى اتانعان. ٶتكەن ماۋسىمدا ليونەل 50 ماتچ ٶتكٸزٸپ, 40 گول سوقتى.
