«Altyn doptyń» alty dúrkin iegeri, argentinalyq Lionel Messi Frantsiianyń «Pari Sen-Jermen» klýbymen kelisimshartqa qol qoidy, dep habarlaidy BBC.
Kelisimshart «2+1» shemasymen jasalǵan, ony 2024 jyldyń maýsymyna deiin sozýǵa múmkindik bar. Messi 30-shy nómirmen oinap, bir maýsymda 35 mln eýro alady.
«Mansabymnyń Parijde jalǵasýyn asyǵa kútip júrmin. Klýb pen onyń maqsaty meniń ambitsiiama tolyq sáikes keledi. Munda daryndy oiynshylar men qyzmetkerler jumys isteitinin bilemin. Klýb pen jankúierlerge erekshe áser syilaǵym keledi», - dedi Messi kelisimshartqa qol qoiǵannan keiin.
Seisenbi kúni Lionel Messi jubaiymen jáne balalarymen Barselonadan Parijge kelip, kelisimshartqa qol qoimas buryn meditsinalyq tekserýden ótti.
Óz mansabynda tek «Barselonada» oinaǵan Messi kelisimshartty uzartý týraly kelisimge kele almaǵandyqtan, katalondyq klýbtan ketýge májbúr bolǵan edi. Kóp uzamai onyń jańa klýbqa qatysty óz tańdaýyn jasaǵany týraly aqparat taratyldy.
34 jastaǵy fýtbolshy «Barsamen» 36 týrnirde jeńiske jetip, 672 gol soqty. Messi ótken jyly jazda «Barselonadan» ketpekshi boldy, biraq klýb ony jibergen joq. Osy jyldyń 1 shildesinde ol bos agent atandy. Senbi kúni Messi klýbpen kózine jas alyp qoshtasyp, jankúierleri men áriptesterine alǵys aitty.
Messidiń ózi jalaqysyn eki ese azaitýǵa daiyn ekenin aityp, «Barsada» qalý úshin baryn saldy. Biraq, La Liganyń qatań erejesi men 1 mlrd eýrodan asatyn «Barselonanyń» qaryzyna bailanysty jańa kelisimshart jasaýǵa múmkindik bolmady.
Sondyqtan, «Barsa» onyń jalaqysyn tómendetse de Messimen kelisimdi uzarta almaityn edi. ÝEFA-nyń qarjy erejesine (fýtbol klýbtary tapqan paidasynan kóbirek aqsha jumsamas úshin jasalǵan) sáikes, klýbtar óz ainalymynyń 70% astamyn jalaqyǵa jumsaityn bolsa, jańa oiynshy tirkei almaidy.
Messidiń usynǵan jańa kelisimindegi bul soma 100% asatyn boldy.
«Men munda 13 jastan bastap turyp kelemin. 21 jyldan keiin ketip baramyn. Jubaiymmen jáne úsh balammen birge. Qaita oralmaimyz dep ýáde bere almaimyn. Sebebi, bul – meniń úiim», - dedi fýtbolshy qoshtasyp jatyp.
