Bishkekte meshitke baryp, aýyr dertke shaldyqqan sábiine em qajet ekenin aityp, jamaǵattan qarjylai kómek suraǵan er adamǵa qatysty tekserý aiaqtaldy, dep habarlaidy ult.kz.
Bul jaǵdai áleýmettik jelide taraǵan videodan keiin kópshiliktiń nazaryn aýdarǵan. Kadrlarda er adamnyń namaz oqylyp jatqan ýaqytta qolyndaǵy nárestesimen meshitte júrgeni jáne jurttan aqsha suraǵany kórinedi. Ol balasynyń «tamaǵynda tesik baryn» aityp, emdelýge qomaqty qarajat qajet ekenin jetkizgen.
Er adamnyń sózine sengen azamattardyń keibiri onyń kórsetken esepshotyna aqsha aýdarǵan. Alaida keiin áleýmettik jeli qoldanýshylary kúmán keltirip, onyń Ortalyq Aziiadaǵy birneshe meshitte osyndai áreket jasaýy múmkin ekenin jazǵan.
Quqyq qorǵaý organdary tekserý júrgizip, 1988 jyly týǵan er adamnyń jeke basyn anyqtady. Ýákiletti memlekettik mekeme ókilderimen birge onyń úiine baryp, otbasynyń turmys jaǵdaiyn jáne balanyń densaýlyǵyn teksergen.
Tekserý qorytyndysynda sábi saý bolyp shyqqan. Ákesi aitqan aýrýlar men balanyń «tamaǵyndaǵy tesik» meditsinalyq turǵydan rastalmaǵan. Sondai-aq otbasy músheleri balanyń aýyr dertke shaldyqqany týraly aqparatty rastamaǵan.
