Foto: Ummet.kz
Qazaqstan musylmandary dini basqarmasynyń mamany Elbek Tasbolatuly múftiiattyń Aqtóbedegi meshitte bolǵan jaǵdaiǵa qatysty ustanymyn jetkizip, áieldiń meshitke baryp, namaz oqýyna qatysty suraqqa jaýap berdi, dep habarlaidy Ult.kz.
Elbek Tasbolatuly dini basqarma Aqtóbe qalasyndaǵy qyz balaǵa orynsyz sóz aitqan er kisiniń isin qaralaitynyn jetkizdi.
"Óitkeni ol kisini shariǵatqa qaishy sóz aitýmen qosa, shariǵatqa, adamgershilikke sáikes kelmeitin is-áreketterdi jasap, islam dinine kúie jaǵýyna sebepker bolyp qaldy dep esepteimiz", – deidi ol múftiiattyń jelidegi resmi paraqshasynda jariialanǵan beinejazbada.
Sondai-aq QMDB ókili qoǵamda taraǵan "Áiel nege meshitke barady?" degen syńaidaǵy pikirge jaýap qatty.
"Áiel kisi óziniń úiindegi meshitte namaz oqyǵany abzalyraq, saýaptyraq. Hanafi mazhabynda osylai aitylady. Degenmen áiel kisi meshitke kelip qulshylyq jasasa nemese dinin úirense, bul – ruqsat amal, ábestigi joq.
Meshit – qulshylyq pen ádepti, izetti úirenetin oryn. Meshitte orynsyz sózder, uiatsyz is-árketter jasaý – dinimiz qaralaityn nárse, jalpy adamgershilikke de jat bolǵan nárseler bolyp esepteledi. Sondyqtan meshitke kelgende biz Allanyń quzyryna, Allanyń úiine kelip jatqanymyzdy umytpaiyq", – deidi ustaz Elbek Tasbolatuly.
