فوتو: Ummet.kz
قازاقستان مۇسىلماندارى دٸني باسقارماسىنىڭ مامانى ەلبەك تاسبولاتۇلى مٷفتيياتتىڭ اقتٶبەدەگٸ مەشٸتتە بولعان جاعدايعا قاتىستى ۇستانىمىن جەتكٸزٸپ, ەيەلدٸڭ مەشٸتكە بارىپ, ناماز وقۋىنا قاتىستى سۇراققا جاۋاپ بەردٸ, دەپ حابارلايدى Ult.kz.
ەلبەك تاسبولاتۇلى دٸني باسقارما اقتٶبە قالاسىنداعى قىز بالاعا ورىنسىز سٶز ايتقان ەر كٸسٸنٸڭ ٸسٸن قارالايتىنىن جەتكٸزدٸ.
"ٶيتكەنٸ ول كٸسٸنٸ شاريعاتقا قايشى سٶز ايتۋمەن قوسا, شاريعاتقا, ادامگەرشٸلٸككە سەيكەس كەلمەيتٸن ٸس-ەرەكەتتەردٸ جاساپ, يسلام دٸنٸنە كٷيە جاعۋىنا سەبەپكەر بولىپ قالدى دەپ ەسەپتەيمٸز", – دەيدٸ ول مٷفتيياتتىڭ جەلٸدەگٸ رەسمي پاراقشاسىندا جارييالانعان بەينەجازبادا.
سونداي-اق قمدب ٶكٸلٸ قوعامدا تاراعان "ەيەل نەگە مەشٸتكە بارادى?" دەگەن سىڭايداعى پٸكٸرگە جاۋاپ قاتتى.
"ەيەل كٸسٸ ٶزٸنٸڭ ٷيٸندەگٸ مەشٸتتە ناماز وقىعانى ابزالىراق, ساۋاپتىراق. حانافي مازحابىندا وسىلاي ايتىلادى. دەگەنمەن ەيەل كٸسٸ مەشٸتكە كەلٸپ قۇلشىلىق جاساسا نەمەسە دٸنٸن ٷيرەنسە, بۇل – رۇقسات امال, ەبەستٸگٸ جوق.
مەشٸت – قۇلشىلىق پەن ەدەپتٸ, ٸزەتتٸ ٷيرەنەتٸن ورىن. مەشٸتتە ورىنسىز سٶزدەر, ۇياتسىز ٸس-ەركەتتەر جاساۋ – دٸنٸمٸز قارالايتىن نەرسە, جالپى ادامگەرشٸلٸككە دە جات بولعان نەرسەلەر بولىپ ەسەپتەلەدٸ. سوندىقتان مەشٸتكە كەلگەندە بٸز اللانىڭ قۇزىرىنا, اللانىڭ ٷيٸنە كەلٸپ جاتقانىمىزدى ۇمىتپايىق", – دەيدٸ ۇستاز ەلبەك تاسبولاتۇلى.
