Foto: Premer-ministrdiń baspasóz qyzmeti
Premer-ministr Oljas Bektenov eldegi tozyǵy jetken temirjol vokzaldary týraly aityp, ákimderdi synǵa aldy, dep habarlaidy Ult.kz.
«Biyl temirjol vokzaldaryn jańǵyrtý jáne kúrdeli jóndeý jumystary bastaldy. Qysqa merzimde merdigerler aiqyndaldy. Olarǵa da, ákimdikterge de qolaily tolyǵymen júzege asyrylatyn qurylys týraly sharttar jasaldy. Úkimet osy mindettiń ýaqtyly oryndalýy úshin qajetti sharalardyń barlyǵyn qabyldady. Alaida keibir ákimdikterdiń qurylys barysyna baqylaýdy bosańsytyp alǵanyn kórip otyrmyz», ‒ dedi O. Bektenov óz sózinde.
Premer-ministrdiń sózinshe Aqmola, Jetisý, Aqtóbe, Abai jáne Ulytaý oblystarynda merzimderdiń buzylý qaýpi joǵary. Al Mańǵystaý oblysynda bir vokzalda jumystar kesteden keshigip jatyr.
«Almaty qalasynda «Almaty-1» vokzalyn jańǵyrtý jumystary tym sozylyp ketti. Muny ákimdikterdiń jumysyndaǵy olqylyq dep sanaimyn. Barlyq qurylys jumystary sapa talaptaryn saqtai otyryp, belgilengen merzimde aiaqtalýǵa tiis. Tapsyrmanyń oryndalýyna jergilikti atqarýshy organdardyń birinshi basshylary tikelei jaýapty bolady», ‒ dedi ol seisenbide ótken Úkimet otyrsynda.
Quzyrly vedomstvonyń málimeti boiynsha qazirgi ýaqytta 124 nysannyń 121-inde qurylys-montaj jumystary júrgizilýde. Vokzaldardyń shamamen 70%-y 30 jyldan astam ýaqyt jóndeýden ótpegen.
QR Kólik ministrliginiń baiandamasy boiynsha Tehnikalyq tekserýler nátijesinde keibir tireýish baǵandar men konstrýktsiialarda ári qarai paidalanýǵa jaramsyz aqaýlar anyqtalǵan.Osyǵan bailanysty 42 nysan tolyqtai buzyldy. Bul óz kezeginde jumys kólemin arttyrýǵa jáne qurylys-montaj jumystarynyń bastalý merzimin keshiktirilýine yqpal etti.
