Jambyl oblysy Merki aýdanynda aýyl turǵyndary jalǵyzbasty múgedek anaǵa asaralatyp úi salyp berdi, dep habarlaidy "Ult aqparat".
Merki aýdanynda «Asarlatyp úi salý jobasy» aiasynda taǵy da bir úi iesine tapsyryldy. Bul joly Jambyl aýyldyq okrýginde jalǵyzbasty, 2-toptaǵy múgedek ana Mahira Ámirqulova joba aiasynda baspanaly boldy.
Aýyl turǵyndary jumyla atsalysqan úi eńsesi biik ári keń. Okrýg ákimi Erbol Baibolsynov tamyz aiynda bastalǵan baspana aýyl turǵyndarynyń yntymaǵy men aýyzbirshiliginiń arqasynda bitkenin jetkizdi. Atsalysqandarǵa alǵys aitty.
Qonys toiǵa arnaiy kelgen aýdan ákiminiń orynbasary Baqythan Ábjaparov, ardagerler keńesiniń tóraǵasy Qambar Imanáliev, aýyl qariialary men jomarttyq jasaǵan azamattar izgi tilekterin aityp, úi iesine júrekjardy lebizderin jaýdyrdy.
Okrýgi ákimi qurylys jumystaryna atsalysqan birqatar azamattardy materialdyq turǵyda kómek qolyn sozyp, azamattyq tanytqany úshin alǵys hatpen marapattady. Alqyzyl lenta qiylyp, jańa baspana iesi Mahira Ámirqulovaǵa úidiń kilti tabys etildi.
«Osy istiń uiymdastyrǵan aýyl ákimdigine jáne jumyla úi salyp bergen barlyq aýyldastaryma alǵysymdy aitamyn. Ózim ekinshi toptaǵy múgedekpin. Mundai úi salý maǵan arman edi. Qyzym eki balasymen menimen birge turady. Kúieý balam qaitys bolǵan. Qýanyshymdy sózben aityp jetkize almaimyn»,-deidi qonys toi iesi.
Aita keteiik, Elbasynyń «Bolashaqqa baǵdar: rýhani jańǵyrý» baǵdarlamalyq maqalasy aiasynda, Jambyl oblysy ákiminiń qoldaýymen elimiz boiynsha alǵash ret Jambyl óńirinde qolǵa alynǵan «Asarlatyp úi salý» jobasy iske asyrylyp jatyr. Jobanyń maqsaty – «Asar» dástúrin jańǵyrtý, halyqty bereke-birlikke bastaý. Baspanaǵa muqtaj otbasy aýyl aqsaqaldarynyń sheshimimen anyqtalady. Jobada basymdyq áleýmettik az qamtylǵan, múmkindigi shekteýli, kópbalaly otbasylarǵa beriledi.
Oblys boiynsha barlyǵy 123 úidiń kiltin tabys etý josparlanǵan. Búgingi deiin kóptiń kómegimen salynǵan osymen 22 úi paidalanýǵa berilip otyr. Qalǵan úilerdiń qurylysy qarqyndy júrgizilýde.
